ગુજરાત સરકારના ગુજરાત કાઉન્સિલ ઓન સાયન્સ એન્ડ ટેકનોલોજી, ડિપાર્ટમેન્ટ ઓફ સાયન્સ એન્ડ ટેકનોલોજી દ્વારા વિદ્યાર્થીઓમાં વિજ્ઞાન, ટેકનોલોજી, એન્જિનિયરીંગ અને ગણિત (STEM) ક્ષેત્રમાં જ્ઞાનમાં વધારો થાય તે માટે નેશનલ સ્ટેમ ક્વિઝ 4.0 – 2025નું આયોજન કરવામાં આવ્યું છે. આ સ્પર્ધા સમગ્ર રાજ્યના ધોરણ 9 થી 12ના વિદ્યાર્થીઓ માટે લેવામાં આવી રહી છે.
સ્પર્ધાનું આયોજન અને માધ્યમ:
સ્પર્ધા ત્રણ કક્ષામાં યોજાશે: જિલ્લા કક્ષા, રાજ્ય કક્ષા અને રાષ્ટ્રીય કક્ષા.
જિલ્લા અને રાજ્ય કક્ષાની સ્પર્ધા ઓનલાઈન અને ઓફલાઈન માધ્યમથી યોજાશે.
રાષ્ટ્રીય કક્ષાની સ્પર્ધા સાયન્સ સીટી, અમદાવાદ ખાતે યોજાશે.
સ્પર્ધામાં ભાગ લેનારા વિદ્યાર્થીઓને ગુજરાતી અને અંગ્રેજી બંને ભાષામાં પ્રશ્નો મળશે.
સ્પર્ધામાં કોઈપણ બોર્ડના વિદ્યાર્થીઓ ભાગ લઈ શકે છે, અને રજીસ્ટ્રેશન માટે કોઈ ફી લાગતું નથી.
સ્પર્ધાના મુદ્દા અને ઇનામો:
આ ક્વિઝમાં બાર્ક, ડીઆરડીઓ અને ઈસરો જેવી સંસ્થાઓના તાજા વિકાસ અને ટેકનોલોજી વલણોને આધારે પ્રશ્નો સામેલ કરવામાં આવ્યા છે.
ભાગ લેનારા તમામ વિદ્યાર્થીઓને ઈ-સર્ટિફિકેટ મળશે.
નેશનલ કક્ષાના વિજેતાઓ માટે કુલ બે કરોડ રૂપિયાનું ઇનામ નક્કી કરવામાં આવ્યું છે.
રજીસ્ટ્રેશનની પ્રક્રિયા:
વિદ્યાર્થીઓ રજીસ્ટ્રેશન પોતાના મોબાઈલ અથવા કમ્પ્યુટર દ્વારા નીચેની વેબસાઈટ પર કરી શકે છે:
https://stemquiz.gujarat.gov.in/STEMStudentRegistrationરજીસ્ટ્રેશન ફરજિયાત છે, અને માત્ર રજીસ્ટ્રેશન કરેલા વિદ્યાર્થીઓ જ સ્પર્ધામાં ભાગ લઈ શકશે.
લક્ષ્ય અને હેતુ:
આ સ્પર્ધાનો મુખ્ય હેતુ વિદ્યાર્થીઓમાં વિજ્ઞાન, ટેકનોલોજી, એન્જિનિયરીંગ અને ગણિત (STEM) ક્ષેત્રમાં રસ અને જ્ઞાન વધારવાનો છે.
સ્પર્ધામાં ભાગ લેતા વિદ્યાર્થીઓને નવાં ટેકનોલોજી વલણો, આધુનિક શોધો અને વૈજ્ઞાનિક પદ્ધતિઓ અંગે જાગૃત કરવાનું લક્ષ્ય રાખવામાં આવ્યું છે.
જિલ્લા શિક્ષણાધિકારીશ્રી, ડી.ઇ.ઓ. કચેરી જૂનાગઢ તથા બ્રહ્માનંદજી લોક વિજ્ઞાન કેન્દ્ર દ્વારા દરેક શિક્ષિત, પ્રતિભાશાળી અને રસ ધરાવતા વિદ્યાર્થીઓને સ્પર્ધામાં વધુને વધુ ભાગ લેવા પ્રોત્સાહિત કરવામાં આવી રહ્યું છે.
માહિતી માટે સંપર્ક:
વિગતવાર માહિતી માટે ઉમેદવારો લોક વિજ્ઞાન કેન્દ્ર, જૂનાગઢનો સંપર્ક કરી શકે છે અથવા નમ્ર સંપર્ક નંબર પ્રતાપસિંહ ઓરા – 9429433449 પર માહિતી મેળવી શકે છે.
