જૂનાગઢ જિલ્લા કલેકટરશ્રી અનિલકુમાર રાણાવસિયાના અધ્યક્ષ સ્થાને આજરોજ પ્રાંત કચેરી, સભાખંડ મેંદરડા ખાતે તાલુકા કક્ષાનો સ્વાગત કાર્યક્રમ યોજાયો હતો. તાલુકાના પ્રજાજનોની સુખાકારી અને તેમના પ્રશ્નોના ઝડપી નિવારણ માટે યોજાએલા આ સ્વાગત કાર્યક્રમમાં તાલુકા- ગ્રામકક્ષાના સ્વાગત ફરિયાદ નિવારણ કાર્યક્રમને અનુલક્ષીને અરજદારોની પોતાની વ્યકિતગત ફરિયાદો કે જેનો સંતોષકારક નિકાલ ન આવતો હોય તેવી ફરિયાદોને હકારાત્મક અભિગમ આપીને તાલુકા કક્ષાએથી નિકાલ કરવામાં આવ્યો હતો.
આ તાલુકા સ્વાગત કાર્યક્રમમાં અરજદારો દ્વારા ૪ પ્રશ્નો રજૂ કરાયા હતા. જેને સંબંધિત સ્વાગત ફરિયાદ નિવારણમાં ઉપસ્થિત તમામ અરજદારોની રજૂઆતો અંગે અધિકારીશ્રીઓ સાથે ચર્ચા કરી પ્રશ્નોનો તરત નિકાલ કરવામાં આવ્યો હતો. આ કાર્યક્રમમાં મેંદરડા પ્રાંત અધિકારી કિશન ગરચર સહિત સંબંધિત અધિકારી સર્વશ્રીઓ ઉપસ્થિત રહ્યા હતાં.
અહેવાલ : નરેન્દ્ર દવે સાથે જગદીશ યાદવ (જૂનાગઢ)
