જૂનાગઢ આગામી ૧૮ મે ના રોજ તાજ મંઝીલ, સરદાર બાગ, લેન્ડ રેકોર્ડ ઓફિસ પાસે, જૂનાગઢ મ્યુઝિયમ ખાતે ઇન્ટરનેશનલ મ્યુઝિયમ ડે ની ઉજવણી સવારે ૧૦ થી ૧૧.૩૦ દરમિયાન થશે. આ ઇન્ટરનેશનલ મ્યુઝિયમ ડે નિમિતે સવારે ૧૦ થી ૧૧.૩૦ સુધી મ્યુઝિયમના ક્યુરેટર સાથે મ્યુઝિયમમાં મુલાકાત લેવોનો તેમજ ફરવાનો મોકો મળશે.
ઇન્ટરનેશનલ મ્યુઝિયમ ડે અન્વયે વિવિધ સ્પર્ધાઓ યોજાશે
મ્યુઝિયમમાં રહેલ સામગ્રી ના આધારે ઓન-ધ-સ્પોટ પોસ્ટકાર્ડ બનાવવાની સ્પર્ધા યોજાશે જેમા જુનિયર કેટેગરીમા ૫ થી ૧૮ વર્ષ અને સિનિ. કેટેગરી માં ૧૮ વર્ષથી ઉપરના સ્પર્ધકો માટે યોજાશે. જ્યારે કોમિકબુક સ્પર્ધા ૧૮ વર્ષથી ઉપરના સ્પર્ધકો માટે યોજાશે. કોમિકબુકમાં મ્યુઝિયમમાં રહેલી સામ્રગીના આધારે પોતાના શબ્દોમાં કલાકૃતીઓ લખવી તેમજ તેમનું ચિત્રણ સ્પષ્ટ કરવું. આ બનાવેલ કલાકૃતીઓ તા. ૧૮ મે સુધીમાં મ્યુઝિયમ ખાતે મોકલવાની રહેશે.
આ સ્પર્ધા નું પરિણામ તા.૨૫ મે ના રોજ જાહેર કરવામાં આવશે.
વિજેતા થનારને પ્રોત્સાહન રૂપે આકર્ષક ઇનામ પણ આપવામાં આવશે. અહિ ઉલ્લેખનિય છે કે સ્પર્ધામાં ભાગ લેનાર તમામ સ્પર્ધકોને પાર્ટીસીપેશન સર્ટિફિકેટ આપવામાં આવશે.
અહેવાલ :- જગદીશ યાદવ (જૂનાગઢ)
