જૂનાગઢ જિલ્લામાં આ વર્ષે વરસાદી સીઝન પૂરી થવા પહેલા જ જંગી વરસાદનો આંકડો નોંધાયો છે. તા. ૨૦/૦૮/૨૦૨૫ સુધીમાં જિલ્લામાં કુલ ૯૨.૬૦% જેટલો વરસાદ નોંધાયો છે.
📍 આંકડા મુજબ
૧૦ તાલુકામાં મળીને કુલ ૬૪૫૦ મિ.મી. વરસાદ નોંધાયો છે.
તેમાં સૌથી વધુ વરસાદ મેંદરડા તાલુકામાં ૯૭.૩૫% જેટલો વરસ્યો છે.
અનેક વિસ્તારોમાં હજુ પણ ભારે વરસાદના કારણે નદી-નાળા છલકાઈ રહ્યા છે.
📍 ડેમોની સ્થિતિ
જિલ્લામાં કુલ ૧૦ જેટલા ડેમ આવેલ છે.
હાલમાં તમામ ડેમ ઓવરફ્લો થઈ ચૂક્યા છે.
સૌથી વધુ પાણીનો સ્તર ઓઝત–૨ ડેમમાં ૦.૬૦ મીટર નોંધાયો છે.
હાલમાં ઓઝત–૨ ડેમમાં સતત પાણીની આવક થઈ રહી છે અને ૩૬૬૪ ક્યુસેક પાણીનું આવક-જાવક પ્રમાણ નોંધાયું છે.
📍 પરિસ્થિતિ પર નજર
ભારે વરસાદ અને ડેમોની ભરાવ ક્ષમતાને કારણે વહીવટી તંત્ર એલર્ટ મોડ પર છે.
નાગરિકોને નીચાણવાળા વિસ્તારોમાં સાવચેત રહેવા અપીલ કરાઈ છે.
✍️ અહેવાલ : નરેન્દ્ર દવે સાથે જગદીશ યાદવ, જૂનાગઢ
