જેતપુર, તા. ૧૪ મે
જેતપુર શહેરમાં આજે સવારના સમયગાળામાં એક ભયાનક અકસ્માત સર્જાયો હતો, જ્યારે સેન્ટફ્રાંસિસ સ્કૂલ નજીક ટ્રક અને એક્ટિવા વચ્ચે આમને-સામને ટક્કર થઈ હતી.
આ અકસ્માતમાં એક્ટિવા પર સવાર બે યુવાન — રાજદીપ ચૌહાણ અને શૈલેષ સોલંકી ગંભીર રીતે ઈજાગ્રસ્ત થયા છે. ટક્કર એટલી જોરદાર હતી કે બંનેને ગંભીર ઇજાઓ પહોંચી હતી અને તરત જ પ્રાથમિક સારવાર માટે તેમને જેટપુર સરકારી હોસ્પિટલ ખસેડવામાં આવ્યા હતા.
હોસ્પિટલના સૂત્રોએ જણાવ્યું હતું કે બંને યુવાનોની હાલત ગંભીર હોઈ તેમને વધુ સારવાર માટે તાત્કાલિક રાજકોટ રીફર કરવામાં આવ્યા છે.
આ અકસ્માતની જાણ થતાં જેટપુર ઉદ્યોગનગર પોલીસ ઘટનાસ્થળે પહોંચી તપાસનો ધમધમાટ શરૂ કર્યો છે. ઘટના કેવી રીતે બની? કોણ જવાબદાર છે? ટ્રક ચાલકની ભૂલ હતી કે નિતાંત અકસ્માત? તે દિશામાં પોલીસે તપાસના ચક્ર ગતિમાન કર્યા છે.
જેતપુરમાં સતત વધી રહેલા વાહન અકસ્માતોની ઘટનાઓ ચિંતાજનક છે અને વાહનચાલકોમાં સતર્કતા તથા ટ્રાફિક નિયમોનું પાલન ખૂબ જરૂરી બન્યું છે.
