પાલનપુર, 05 માર્ચ 2025
આગામી 06 માર્ચ 2025 ના રોજ સરદાર કૃષિનગર દાંતીવાડા કૃષિ વિશ્વ વિદ્યાલય ખાતે 20મો વાર્ષિક પદવીદાન સમારંભ યોજાવાનો છે. રાજ્યપાલશ્રી આચાર્ય દેવવ્રતજી આ સમારંભમાં અધ્યક્ષપદે ઉપસ્થિત રહેશે.
સમગ્ર કાર્યક્રમ સુચારુ રીતે સંપન્ન થાય તે માટે જિલ્લા કલેક્ટરશ્રી મિહિર પટેલ ની અધ્યક્ષતામાં કલેક્ટર કચેરી, પાલનપુર ખાતે મહત્વપૂર્ણ બેઠક યોજાઈ હતી.
વિગતવાર આયોજન અને ચર્ચાઓ
આ બેઠકમાં જિલ્લાના સંબંધીત અધિકારીઓએ વિવિધ આયોજન પર ચર્ચા કરી, જેમાં પ્રોટોકોલ, સુરક્ષા વ્યવસ્થા, વીજ પુરવઠો, તથા પ્રચાર-પ્રસારની વ્યવસ્થા અંગે મહત્વના નિર્ણયો લેવામાં આવ્યા.
આ બેઠકમાં વિશ્વ વિદ્યાલયના પ્રતિનિધિઓ અને જિલ્લાની પ્રશાસનિક ટીમ ઉપસ્થિત રહી હતી અને દરેક વિભાગને પોતાની જવાબદારી નિશ્ચિત કરી આપવામાં આવી.
આ મહત્ત્વપૂર્ણ સમારંભમાં વિદ્યાર્થીઓ, અભિવાવકો, શિક્ષકો અને વિશિષ્ટ મહેમાનો ઉપસ્થિત રહેશે. રાજ્યના ઉચ્ચ શિક્ષણ ક્ષેત્ર માટે આ સમારંભ એક મહત્ત્વપૂર્ણ તબક્કો સાબિત થશે.
📍 લોકેશન: પાલનપુર | અહેવાલ: માહિતી બ્યુરો
