વિશાળ કાયદાકીય અભિયાન અંતર્ગત ગીર સોમનાથ LCB દ્વારા એક વધુ સફળ ઓપરેશન હાથ ધરાયું છે. જૂનાગઢ રેન્જના આઈ.જી.પી. નિલેશ જાજડીયા તથા જિલ્લા પોલીસ અધિક્ષક મનોહરસિંહ જાડેજાના માર્ગદર્શન હેઠળ જીલ્લામાં ચાલી રહેલી જુગાર તથા પ્રોહિબીશન જેવી ગેરકાયદેસર પ્રવૃત્તિઓને પૂરી રીતે નાબૂદ કરવા માટે સુચનાઓ આપવામાં આવી છે.
આ સત્વર સૂચનાઓના અનુસંધાને એલ.સી.બી.ના પોલીસ ઇન્સ્પેક્ટર એમ.વી. પટેલના માર્ગદર્શન હેઠળ પો.સબ ઇન્સ્પેક્ટર એ.સી. સિંધવ તથા તેમની ટીમ પેટ્રોલીંગ દરમિયાન સતર્ક હતી. તત્રે મળેલી સંયુક્ત બાતમી આધારે ઉના તાલુકાના વાંસોજ ગામે એક ઇસમના રહેણાંક મકાનમાં વિદેશી દારૂ રાખવામાં આવ્યો હોવાનું જણાઈ આવ્યું. ત્યારબાદ ત્વરિત કાર્યવાહી કરીને ત્યાં રેઇડ કરવામાં આવી.
આ રેઇડ દરમિયાન સ્થળ પરથી કુલ ૧૩૬ નાની મોટી વિદેશી દારૂની બોટલ અને ૨૦ બિયર ટીન મળ્યા હતા, જેને મળીને કુલ ૧૯,૦૧૦ રૂપિયાનો મુદામાલ કબ્જે કરવામાં આવ્યો છે. આરોપી મનસુખભાઈ બાબુભાઈ સોલંકી સામે નવાબંદર પોલીસ સ્ટેશન ખાતે ગુન્હો દાખલ કરવામાં આવ્યો છે, જોકે આરોપી હાલ પકડથી દૂર છે.
આ કામગીરીમાં એલ.સી.બી. તેમજ પેરોલ ફર્લો સ્કવોડની ટીમે મજબૂત સંકલન સાથે ઝડપભરી કામગીરી કરી હતી. ટીમના સભ્યોમાં પો.હેડકોન્સ. ગોવિંદસિંહ વાળા, કમલેશભાઈ પીઠીયા, પો.કોન્સ. ધર્મેન્દ્રસિંહ ગોહીલ, પ્રવિણભાઈ મોરી, રવિરાજસિંહ બારડ અને પ્રકાશભાઈનો સમાવેશ થાય છે.
આ કાર્યવાહી ફરી એકવાર સાબિત કરે છે કે ગીર સોમનાથ પોલીસ તંત્ર પ્રોહિબીશન કાયદાનો અમલ કરાવવામાં તથા ગેરકાયદેસર પ્રવૃત્તિઓને અંકુશમાં લેવા માટે ચુસ્ત અને તત્પર છે.
અહેવાલ : પ્રકાશ કારાણી, વેરાવળ – સોમનાથ
