મહાનગરપાલિકા, જૂનાગઢના કમિશ્નર તેજસ પરમારની માર્ગદર્શન હેઠળ શહેરમાં રખડતા અને ભટકતા ગૌવંશ માટે વિવિધ સેવાકીય અને કલ્યાણાત્મક કાર્ય કરવામાં આવી રહ્યું છે. ગૌવંશને સુરક્ષિત અને આરામદાયક રહેવા માટે મહાનગરપાલિકા સંચાલિત ગૌશાળામાં રાખવામાં આવે છે, જ્યાં હાલમાં કુલ 596 ગૌવંશ તંત્રની કાળજી હેઠળ છે.
ગૌશાળામાં ગૌવંશની યોગ્ય સંભાળ, ખોરાક અને આરોગ્ય સુવિધા સુનિશ્ચિત કરવા નાગરિકો દ્વારા પણ દાન આપવામાં આવ્યું. તારીખ 20/09/2025ના રોજ ગૌશાળામાં અનેક દાતાઓએ પોતાની સહાય આપી. મહાનગરપાલિકાના કર્મચારી બલભદ્રસિંહ રાણા દ્વારા રૂ. 1,100/- કિંમતના તાજા ઘાસચારા દાનમાં આપ્યા, જે ગૌવંશના પોષણ માટે ઉપયોગી રહેશે. તે જ દિવસે શ્યામલભાઈ શાહ દ્વારા અમાસ નિમિતે રૂ. 501/- નો રોકડ દાન સમર્પિત કરાયો. તેમજ ડૉ. રાહુલ વાણીયા દ્વારા રૂ. 500/- નો ઘાસચારો ગૌશાળામાં મુકવામાં આવ્યો. આ તમામ દાનોથી ગૌશાળાના ગૌવંશ માટે ખોરાક, આરોગ્ય અને સોફ્ટ રહેવા માટેના નિયમિત વ્યવસ્થા સુનિશ્ચિત રહેશે.
આ પ્રસંગે ગૌશાળા અધિકારીઓ અને નાગરિકો વચ્ચે ગૌસેવા અંગે ચર્ચા અને માર્ગદર્શન પણ આપવામાં આવ્યું. નાગરિકોએ “ફ્રેન્ડસ ઓફ ગૌ” ના સ્લોગન હેઠળ ગૌવંશ પ્રત્યે પોતાના પ્રેમ અને જવાબદારી દર્શાવી. આ દાન સમર્પણ કાર્યક્રમમાં ગૌશાળાના સ્ટાફે ગૌવંશની હાલત, જરૂરી ખોરાક અને સ્વચ્છતા અંગે માહિતી આપી અને ભવિષ્યમાં ગૌસેવા માટે નાગરિકોની ભાગીદારી વધારવાની અનુરોધ કર્યો.
આ કાર્ય ન માત્ર ગૌવંશની સંરક્ષણ અને કલ્યાણ માટે મહત્વપૂર્ણ છે, પરંતુ તે શહેરમાં પશુપાલન અને પર્યાવરણ સુરક્ષા માટે નાગરિકોને જાગૃત કરવા માટે પણ એક પ્રેરણાસ્રોત બની રહ્યું છે. ગૌશાળામાં આ દાન સમર્પિત કરવા બદલ તમામ દાતાઓ અને સહયોગીઓનો આભાર વ્યક્ત કરવામાં આવ્યો.
અહેવાલ: નરેન્દ્ર દવે સાથે જગદીશ યાદવ, જૂનાગઢ
