માંગરોળ, જુનાગઢ:
માંગરોળ બંદરના સોમનાથ ભવન ખાતે જિલ્લા કલેક્ટર અનિલકુમાર રાણાવસિયાના અધ્યક્ષસ્થાને દરિયાઈ સુરક્ષા સમિતિની મહત્વપૂર્ણ બેઠક યોજાઈ હતી. હાલની સંવેદનશીલ પરિસ્થિતિને ધ્યાનમાં રાખી દરિયાઈ વિસ્તારમાં સુરક્ષા, બ્લેકઆઉટ, એર રેડ સાયરન અને સરકારશ્રીની માર્ગદર્શિકાનું પાલન કરવા જરૂરી સૂચનાઓ આપવામાં આવી હતી.
🛡️ દરિયાઈ ગામોના પ્રતિનિધિઓને અપાયું માર્ગદર્શન:
માછીમાર સમુદાયના આગ્રણીઓ તેમજ માંગરોળના ૧૧ અને માળીયાહાટીનાના ૯ દરિયાઈ સરહદી ગામોના સરપંચો ઉપસ્થિત રહ્યા હતા. કલેક્ટરશ્રીએ સ્પષ્ટ સંદેશ આપતાં કહ્યું કે, “કોઈપણ શંકાસ્પદ પ્રવૃત્તિની તાત્કાલિક સ્થાનિક પોલીસને જાણ કરવામાં આવે.”
🔈 સંવેદનશીલતા સંદર્ભે જનજાગૃતિ:
આપત્તિની પરિસ્થિતિમાં બ્લેકઆઉટ અને એર રેડ સાયરનની કામગીરી અંગે પણ વિસ્તૃત માહિતી આપવામાં આવી. ઉપરાંત તમામ શાસકીય વિભાગોને સંકલિત કામગીરી માટે અનુરોધ કરવામાં આવ્યો.
👥 બેઠકમાં વિવિધ વિભાગોના અધિકારીઓ ઉપસ્થિત:
આ બેઠકમાં પ્રાંત અધિકારી, પોલીસ વિભાગ, આરોગ્ય, પીજીવીસીએલ, ફિશરીઝ, પોર્ટ ઓફિસર, મામલતદારશ્રીઓ, તલુકા વિકાસ અધિકારીશ્રીઓ, ચીફ ઓફિસરશ્રીઓ અને સંલગ્ન તલાટીઓ ઉપસ્થિત રહ્યા હતા.
📣 જનતા માટે અપિલ:
દરિયાઈ વિસ્તારમાં વસવાટ કરતા નાગરિકોને શાંતિ જાળવવા, શંકાસ્પદ પ્રવૃત્તિથી સાવચેત રહેવા અને તંત્ર સાથે સહકાર રાખવા અનુરોધ કરાયો છે.
