જુનાગઢના માંગરોળ શહેરમાં પુરોહિત પરિવાર દ્વારા પિતૃઓના મોક્ષાર્થે શ્રીમદ ભાગવત સપ્તાહ જ્ઞાનયજ્ઞનો કારતક સુદ ત્રીજ થી કારતક સુદ નોમ સુધી ચતુર્થ આયોજન વિવેકાનંદ વિદ્યાલયના વિશાળ પટાંગણમાં કરાયુ હતુ જેમાં શાસ્ત્રીશ્રી પંકજભાઈ જાની દ્વારા વ્યાસપીઠે બિરાજી પોતાનુ સુમધુર સ્વરે અને સંગીત શૈલીમાં કથાનું રસપાન કરાવ્યું.
પુરોહિત પરિવાર દ્વારા આ ભગવત કાર્ય કરવા બદલ કથાના છઠા દિવસે માંગરોળ વિશ્વ હિન્દુ પરિષદ બજરંગ દળ દ્વારા યજમાન ડો. આઇ.જી પુરોહિત સાહેબ અને ડો.ભાવનાબેન પુરોહિતને શાલ ઓઢાળી સન્માનિત કરવામાં આવ્યા હતા.
આ અવસરે વિશ્વ હિન્દુ પરિષદના અધ્યક્ષ પ્રકાશભાઈ લાલવાણી, ભરતભાઈ ચાંદેગરા, વરિષ્ઠ પત્રકાર ગુણવંત સુખાનંદી બાપુ, નિલેશભાઈ રાજપરા,પ્રકાશભાઈ તન્ના, બજરંગ દળના ધવલ પરમાર, સૈલેશ ચાવડા, સચીન પાલા સહીતના આગેવાનો કાર્યકરોએ કથાકાર શાસ્ત્રીજીને ઉપવસ્ત્ર ઓઢાળી બહુમાન કરી આશીર્વાદ લીધા હતા.
રિપોર્ટર: પ્રકાશ લાલવાણી (માંગરોળ-જુનાગઢ)
