📍 સ્થળ: માળીયા હાટીણા તાલુકો, જૂનાગઢ
🗓️ તારીખ: ૭ મે, ૨૦૨૫
🖊️ અહેવાલ: પ્રતાપ સીસોદીયા
જૂનાગઢ જિલ્લાના માળીયા હાટીના વિસ્તારમાં આજરોજ ફરી એક વખત કમોસમી વરસાદની એન્ટ્રી નોંધાઈ છે. સતત બીજા દિવસે વિજળીના કડાકા સાથે શરૂ થયેલા વરસાદે સમગ્ર પંથકને ભીંજવી નાંખ્યું છે. ખાસ કરીને બપોર બાદ આકાશમાં ઘનઘોર વાદળો છવાતા વાતાવરણમાં પલટો જોવા મળ્યો હતો.
ભારે ઉકળાટ બાદ વરસાદનું આગમન
છેલ્લા ઘણા દિવસોથી લોકો ઊંચા તાપમાન અને ભયાનક ઉકળાટથી પરેશાન હતા. આજે બપોરે અચાનક પવન સાથે કમોસમી વરસાદ શરૂ થતા કેટલાક સ્થળોએ વરસાદી પાણી ભરાવાની પરિસ્થિતિ સર્જાઈ છે. આંબલગઢ, અમરાપુર અને જલંધર સહિતના ગામોમાં ભારે વરસાદ નોંધાયો છે.
ઉભા પાકને નુકશાન
ભારે વરસાદના કારણે ખેતરોમાં ઉભા પાકને નુકશાન પહોંચ્યું છે. ખાસ કરીને કેરી, મગ, તલ અને બાજરી જેવા પાક આ સમયે તૈયારીના અંતિમ તબક્કામાં હતા, ત્યારે પડેલો આ વરસાદ ખેડૂતોએ જોયેલી મહેનત પર પાણી ફરી વળે એવી સ્થિતિ ઉભી થઈ છે. કેટલાંય ખેડૂતોએ પાકની કાપણી માટે તૈયારી શરૂ કરી હતી, ત્યારે ભીંજાયેલું પાક પતાવટ અને ગુણવત્તા ગુમાવી શકે છે.
આર્થિક નુકશાનીનો ભય
કમોસમી વરસાદથી ફસલને થયેલા નુકશાનના પગલે ખેડૂત સમુદાયમાં ચિંતાનું માહોલ છે. કેટલાક ખેડૂતો માટે આ એક માત્ર આવકનો સ્ત્રોત હોવાથી તેઓને હવે આર્થિક તંગીનો સામનો કરવાનો વારો આવી શકે છે.
લોકલ માંગણીઓ અને પગલાં
ખેડૂતો સરકારે તાત્કાલિક નુકશાનીનું સર્વે શરૂ કરી સહાયની જાહેરાત કરવાની માંગ ઉઠાવી છે. કૃષિ વિભાગ દ્વારા પણ હાલની પરિસ્થિતિનું મોલભાવે મૂલ્યાંકન કરી રિપોર્ટ તૈયાર કરવાની શક્યતા છે.
