સાબરકાંઠા વડાલીના જેતપુર ખાતે આવેલ કડવા પાટીદાર સમાજવાડીમાં સત્યાવીસ વરિયા ગોળ પ્રજાપતિ પ્રગતિ મંડળ શિક્ષણ સમિતિ દ્વારા પ્રજાપતિ સમાજનો સન્માન સમારોહ અને સ્નેહ મિલન કાર્યક્રમ યોજવામાં આવ્યો હતો, જેમાં મોટી સંખ્યામાં ભાઈઓ, બહેનો અને સિનિયર સિટીઝન સહિત બાળકો ઉપસ્થિત રહ્યા હતા. કાર્યકરની શરૂવાત દીપ પ્રાગટ્યથી કરવામાં આવી હતી.
સમાજના મહાનુભાવો અને હોદ્દેદારો દ્વારા પ્રાસંગિક પ્રવચન આપી સમાજને સાચી દિશામાં લઈ જવા માટે અને યુવાનોને ભણતર માટે અને તેમની કારકિર્દી માટે સમાજનું શિક્ષણ મહત્વનું હોવાનુ અને સમાજનું યોગદાન પણ અગત્યનું હોવાનું જણાવ્યું હતું. આ સિવાય સમાજના વિકાસ અને પાયાની જરૂરિયાત માટે લોકોને યથાશક્તિ યોગદાન આપી મદદરૂપ થવા હાકલ કરી હતી. સમાજ દ્વારા ભણતરમાં સારા માર્કસ મેળવેલ તેજસ્વી તારલાઓનું સન્માન કરવામાં આવ્યું હતું અને તેમને મુવમેંટો આપી બિરદાવ્યા હતા.
આ સિવાય નાના ભૂલકાઓ દ્વારા નૃત્ય અને નાટક જેવા સાંસ્કૃતિક કાર્યક્રમ રજૂ કરી સૌ લોકોને મંત્રમુગ્ધ કર્યા હતા. ભરતભાઈ પ્રજાપતિ દ્વારા લોકોને સમાજના આગામી કાર્યક્રમોમાં સહયોગ આપવા અને સમાજને મજબૂત કરવા ઉપર ભાર મૂક્યો હતો સાથે સાથે ભવિષ્યમાં આવા સારા કાર્યક્રમો કરી અન્ય સમાજની હરોળમાં આવી આપણો સમાજ આગે કૂચ કરે તેવી અભ્યર્થના સાથે પોતાની વાત સમાજ આગળ મૂકી હતી.
અહેવાલ – ચંદ્રકાંત પ્રજાપતિ, બ્યુરો ચીફ, (સાબરકાંઠા)
