સુરત, તા. 13 એપ્રિલ, 2025 – શહેરના પોલીસ તંત્રની એક વધુ પ્રસંશનીય કામગીરી સામે આવી છે. છેલ્લા છ માસથી પાલ પોલીસ સ્ટેશનના ઇક્કો ચોરીના ગુના તેમજ રાંદેર પોલીસ સ્ટેશનના ઘરફોડ ચોરીના ત્રણ ગુનાઓમાં નાસતો ફરતો ચીખલીગર ગેંગનો એક રીઢો આરોપી ઝડપાયો છે.
પોલીસ કમિશનર શ્રી અનુપમસિંહ ગહલૌત, સંયુક્ત પોલીસ કમિશનર શ્રી સેક્ટર-2, નાયબ પોલીસ કમિશનર ઝોન-6, તથા મદદનીશ પોલીસ કમિશનર “આઈ” ડિવીઝનના માર્ગદર્શન અને સૂચનાથી આરોપીઓને પકડવાની કાર્યવાહી ઝડપથી આગળ ધપાવવામાં આવી હતી.
પોલીસ ઇન્સ્પેક્ટર શ્રી કે.એ. ગોહિલના માર્ગદર્શન હેઠળ સર્વેલન્સ સ્ટાફના પો.સ.ઇ. એચ.આર. પટેલના નેતૃત્વમાં અ.હે.કો. ભરતસિંહ અમરસિંહ (બ.નં. 946) તથા અ.પો.કો. દિનેશભાઈ અમૃતલાલ (બ.નં. 663) દ્વારા ટેકનિકલ સર્વેલન્સ અને હ્યુમન ઇન્ટેલિજન્સના આધારે સચીન GIDC પાળીવાળ ચાર રસ્તા પાસેથી આરોપીની ધરપકડ કરવામાં આવી.
પકડાયેલ આરોપીનું સંપૂર્ણ વિગત:
- નામ: બોબીસિંહ ઘૂઘરૂસિંહ ઉર્ફે બચ્ચનસિંહ તીલપીતિયા (ચીખલીગર)
- ઉમર: 21 વર્ષ
- હાલનો રહેવાસી: પ્લોટ નં. 222 અને 224, મહાલક્ષ્મીનગર, શાંતિવન સોસાયટીની બાજુમાં, ભેસ્તાન રેલવે સ્ટેશન રોડ, ડિંડોલી, સુરત
- મૂળ વતન: ગામ એકતાનગર ઝૂંપડપટ્ટી, ગોલ્ડન ચોકડી પાસે, વડોદરા
આ આરોપી વિરુદ્ધ સુરત શહેરના વિવિધ પોલીસ સ્ટેશનોમાં ઘણાં ગુનાઓ નોંધાયેલા છે અને તે તાત્કાલિક નાસતો ફરતો હતો. પોલીસે ગુનાની વધુ પૂછપરછ હાથ ધરી છે અને સંભાવના છે કે તેના પરથી અન્ય આરોપીઓ તેમજ ગુનાઓનો પણ પર્દાફાશ થશે.
આ સમગ્ર ઓપરેશનમાં સચીન GIDC પોલીસની કાર્યક્ષમતા અને દ્રઢ નિષ્ણ્ઠા ફરી એકવાર પ્રકાશમાં આવી છે. શહેરમાં ગુનાગારી પર નકામું ડંખ મારવા પોલીસ સતત સક્રિય છે.
