શ્રાવણ માસના પવિત્ર સમયમાં જૂનાગઢ ખાતે એક આધ્યાત્મિક અને સંસ્કારપ્રદ કાર્યક્રમનું ભવ્ય આયોજન થયું છે. સ્વામી વિવેકાનંદ સેવા કેન્દ્ર, રામકૃષ્ણ પરમહંસ માર્ગ, તળાવ દરવાજા ફાટક પાસે, જૂનાગઢ ખાતે તારીખ 27 જુલાઈ 2025 ના રોજ સાંજે 4 વાગ્યાથી પરમ પૂજ્ય સ્વામી ગુણેશાનંદજી મહારાજના શ્રીમુખે શ્રીમદ ભાગવત પર વિશિષ્ટ પ્રવચન યોજાયું છે.
આ આયોજન પાછળનો હેતુ લોકોમાં ભાગવત જેટલા ઊંડા અને અનંત તાર્કિક અધ્યાત્મને સરળ અને રસપ્રદ રીતે સમજાવવાનો છે. સ્વામીશ્રી ગુણેશાનંદજી મહારાજ એમના નિખાલસ અને અસરકારક વાણીથી ભાગવતના મર્મને લોકોને સમજાવશે. પૂર્વે પણ તેઓના પ્રવચનોમાં હજારો ભાવિકોને આધ્યાત્મિક ઉર્જાનો અહેસાસ થયો છે.
પ્રવચન દરમિયાન ભાગવતના વિવિધ પ્રસંગો, ભગવાન શ્રીકૃષ્ણના શૈશવ લીલા, ભક્તિ માર્ગ, જીવનના સાચા હેતુ વિશેના વિચારો સહિત અનેક મુદ્દાઓને સ્પર્શવામાં આવશે. મહત્વની વાત એ છે કે આ પ્રવચન માત્ર ધાર્મિક જ નહિ પણ માનવીના આત્મવિશ્વાસ, નૈતિકતા અને સંસ્કારને ઉન્નત બનાવે તેવો પણ રહેશે.
આ કાર્યક્રમમાં પ્રવેશ મફત રહેશે અને તમામ માટે ખુલ્લો છે.
સ્થાનિક રહીશો ઉપરાંત આસપાસના ગામડાંમાંથી પણ ભક્તોની મોટી સંખ્યામાં હાજરીની શક્યતા છે. સંસ્થાના ટ્રસ્ટીઓ અને સભ્યો દ્વારા કાર્યક્રમ માટે વિશિષ્ટ આયોજન કરવામાં આવ્યું છે, જેમાં બેઠાડક વ્યવસ્થા, અવાજ પ્રસારણ, વાહન પાર્કિંગ સહિતની વ્યવસ્થાઓ ઊપલબ્ધ રહેશે.
સંસ્થાના મહંતશ્રી અને આયોજકમંડળ તરફથી ભાવિકો તથા સમગ્ર જૂનાગઢ વિસ્તારના નાગરિકોને આ દિવ્ય પ્રસંગમાં ઉપસ્થિત રહી આધ્યાત્મિક લાભ લેવા માટે હાર્દિક આમંત્રણ પાઠવાયું છે.
અહેવાલ: નરેન્દ્ર દવે સાથે જગદીશ યાદવ, જૂનાગઢ
