ભાવનગર શહેરમાં દારૂ અને જુગાર જેવી ગેરકાયદેસર પ્રવૃત્તિઓને શંકુજમાં લેવા સતત સક્રિય લોકલ ક્રાઇમ બ્રાન્ચ દ્વારા વધુ એક સફળ કાર્યવાહી હાથ ધરાઈ છે. પોલીસ મહાનિરીક્ષક ગૌતમ પરમાર તથા જિલ્લા પોલીસ વડા ડો. હર્ષદ પટેલના સૂચન મુજબ અને લોકલ ક્રાઇમ બ્રાન્ચના પો.ઇન્સ્પેક્ટર એ.આર. વાળા સાહેબના માર્ગદર્શન હેઠળ શહેરના કુંભારવાડા વિસ્તારમાં હાથકાંપના જુગાર રમતા પાંચ ઇસમો પર રેડ કરવામાં આવી હતી.
સ્પષ્ટ બાતમીના આધારે એલ.સી.બી.ના સ્ટાફે કુંભારવાડા વિસ્તારના મોતી તળાવ પાસે, રજા બેકરી સામે આવેલા મુરઘીવાળા ખાંચામાં કામગીરી કરી હતી. જાહેર જગ્યાએ ગંજીપત્તાના પાનાં વડે હારજીતનો જુગાર રમતા ઇસમો ઝડપાઈ ગયા હતા. પોલીસે સ્થળ પરથી કુલ રૂ. ૨૦,૩૫૦ની રોકડ રકમ તેમજ ૫૨ પાનાંનો જપ્ત મુદ્દામાલ કબજે લીધો છે.
જવાબદાર આરોપીઓમાં જાવેદ હસન સૈયદ, કિરણ ચાવડા, રાજુ બાબરીયા, દિલીપ ડાબી અને દેવ સોલંકીનો સમાવેશ થાય છે. આ તમામ વિરૂદ્ધ બોરતળાવ પોલીસ સ્ટેશનમાં જુગાર પ્રતિબંધક ધારા હેઠળ ગુનો દાખલ કરવામાં આવ્યો છે.
આ કામગીરીમાં એલ.સી.બી.ના અધિકારીઓ બાવકુદાન કુંચાલા, વનરાજ ખુમાણ, માનદિપસિંહ ગોહિલ, એજાજખાન પઠાણ, કેવલભાઈ સાંગા અને જયદિપસિંહ ગોહિલે નોંધપાત્ર યોગદાન આપ્યું હતું. ગુનાખોરીને જડમૂળેથી સમાપ્ત કરવા પોલીસે વધુ કડક પગલાં લેનાર હોવાનું જણાવી રહ્યું છે.
