🌪️ ધોરાજીમાં મીની વાવાઝોડા સાથે ધોધમાર કમોસમી વરસાદ

ભારે પવન સાથે વાતાવરણમાં અચાનક પલટો, ઉભા પાકને નુકશાનીની ભીતિ

ધોરાજી, રાજકોટ | તારીખ: ૭ મે ૨૦૨૫

ધોરાજી શહેરમાં આજે સાંજથી વાતાવરણમાં અચાનક પલટો આવ્યો છે. મિની વાવાઝોડા જેવી સ્થિતિ સર્જાઈ હતી અને ભારે પવન સાથે ધોધમાર કમોસમી વરસાદ શરૂ થયો છે.

શહેરના ગેલેક્સી ચોક, રેલવે સ્ટેશન રોડ, હોસ્પિટલ ચોક, અવેડા ચોક અને જેતપુર રોડ સહિતના વિસ્તારોમાં વરસાદના પાણી ફરી વળ્યા છે, અને વાહનચાલકો સહિત સ્થાનિકોમાં અફરાતફરી સર્જાઈ છે.

કમોસમી માવઠાને લઈ ખેડૂતોમાં ભારે ચિંતા જોવા મળી રહી છે. ખાસ કરીને તલ, બાજરો, મગફળી, સોયાબીન અને ડુંગળી જેવા ઉભા પાકને નુકશાની પહોંચવાની પૂરી શક્યતા જણાઈ રહી છે.

હવામાન વિભાગે આગામી ૨૪ કલાક માટે વધુ વરસાદની આગાહી આપી છે, જેને લઈ કૃષિ વિભાગ પણ સતર્ક બન્યું છે.