🏗️ રાજકોટ જિલ્લાનું ઉપલેટા શહેર: દબાણ હટાવ માટે મોટી ડીમોલીશન કામગીરી શરૂ, ટ્રાફિક સમસ્યાઓનો અંત

ઉપલેટા (રાજકોટ): રાજકોટ જિલ્લાના ઉપલેટા શહેરમાં છેલ્લા ઘણા સમયથી દબાણને કારણે ટ્રાફિક સમસ્યાઓ બિનહદે વધી ગયેલી હતી. આ સમસ્યાઓને દૂર કરવા માટે તંત્ર દ્વારા આજરોજ કટલેરી બજાર, રાજમાર્ગ અને ત્રણ કમાન વિસ્તાર સહિતના વિસ્તારોમાં દબાણ હટાવ માટે ડીમોલીશન કામગીરી શરૂ કરવામાં આવી છે.

ઉપલેટાના વેપારીઓ, વિવિધ એસોસિએશનો અને સમાજના આગેવાનો દ્વારા અનેક વખત રજૂઆતો કરવામાં આવી હતી કે તંત્ર તરફથી આ બાબતમાં કડક કાર્યવાહી કરવી જરૂરી છે.

ત્રણ કમાન વિસ્તારમાં લાલો મૂર્ગી વાળા નામના વ્યક્તિ દ્વારા પોલીસ અને નગરપાલિકા તંત્ર સાથે અનેકવાર અવ્યવસ્થા અને બબાલ કરાતા તેને અટકાયત પણ કરવામાં આવી છે.

જ્યારે પહેલા કામગીરીમાં કેટલીક જગ્યાએ વિઘ્ન પડતાં કાર્ય અટવાયેલું હતું, ત્યારે આજની કામગીરી ધોરાજી પ્રાંત અધિકારી તરખાલા, ઉપલેટા મામલતદાર નિખિલ મહેતા, નગરપાલિકા ચીફ ઓફિસર નીલમ ઘેટીયા અને પીઆઈ પટેલ, પીએસઆઇ ભટ્ટ સાથે પોલીસ તંત્રના ચુસ્ત બંદોબસ્ત હેઠળ સફળતાપૂર્વક હાથ ધરાઈ.

આ કામગીરીના કારણે શહેરમાં ટ્રાફિક વ્યવસ્થા સુધરવાનો આશય વ્યક્ત કરવામાં આવ્યો છે.