🗳️ વિસાવદર વિધાનસભાની પેટા ચૂંટણી માટે આખરી મતદાર યાદી જાહેર

📍 જૂનાગઢ | અહેવાલ: નરેન્દ્ર દવે સાથે જગદીશ યાદવ

વિસાવદર વિધાનસભા બેઠક માટે થનારી આવનારી પેટા ચૂંટણીના ભાગરૂપે ૮૭-વિસાવદર વિધાનસભા મત વિસ્તારની આખરી મતદાર યાદી ચૂંટણી તંત્ર દ્વારા જાહેર કરવામાં આવી છે.

ચૂંટણી પંચના નવી દિલ્હીથી ૨૬ માર્ચ, ૨૦૨૫ના પત્ર આધારે ખાસ સંક્ષિપ્ત સુધારણા કાર્યક્રમ અંતર્ગત આ પ્રક્રિયા હાથ ધરાઈ હતી. જાહેર થયેલી યાદી અનુસાર મતદાર વિભાગમાં કુલ ૨,૬૧,૦૫૨ મતદારો નોંધાયા છે, જેમાં:

• 👨 પુરુષ મતદારો: ૧,૩૫,૫૯૭
• 👩 સ્ત્રી મતદારો: ૧,૨૫,૪૫૧
• 🧑 અન્ય મતદારો: ૪

આ યાદી તૈયાર કરવા માટે પૂર્વે જાહેર કરાયેલા પ્રથમ મુસદે (૮ એપ્રિલ, ૨૦૨૫) પર મતદારો પાસેથી હક-દાવા અને વાંધાઓ મંગાવાયા હતા. તે અંતર્ગત:

• ફોર્મ ૬ (નવું નામ ઉમેરવા): ૫૯૧ અરજીઓ
• ફોર્મ ૭ (નામ દૂર કરવા): ૫૫૪
• ફોર્મ ૮ (શ્રેણી ફેરફાર): ૩૩૬
• ફોર્મ ૮ (સુધારણા): ૭૯૧

આ અરજીઓનું બીએલઓ અને ઈઆરઓ દ્વારા ફિલ્ડ વેરિફિકેશન કરી યોગ્ય નિર્ણય લેવામાં આવ્યા છે.

આ મામલે કેન્દ્રીય ચૂંટણી પંચની વેબસાઈટ પર દૈનિક નમૂનાઓ (ફોર્મ ૯ થી ૧૧ બી) અપલોડ કરવામાં આવ્યા છે. રાજકીય પક્ષોને અઠવાડિક આધારે આ વિગતો આપવામાં આવી છે.

📌 મહત્વપૂર્ણ:
જો કોઈ મતદાર ચૂંટણી અધિકારીના નિર્ણય સામે અસંતોષ ધરાવે છે તો, તે લોકપ્રતિનિધિત્વ અધિનિયમ 1950ની કલમ 24-A હેઠળ જિલ્લા મેજિસ્ટ્રેટ સમક્ષ અરજી કરી શકે છે.