🙏 ડભોઇ રબારી વાગા પાસે પી.એન.ગાદી ના ઉર્શ મુબારક પ્રસંગે કોમી એકતાનો સુંદર સંદેશ, કવ્વાલી અને ભજન કાર્યક્રમમાં ઉમટી ભીડ

ડભોઇ (વડોદરા):

ડભોઇના રબારી વાગા વિસ્તારમાં આવેલ કોમી એકતાના પ્રતીક પીરના પદવીશ્રી હઝરત પી.એન.ગાદીના ઉર્શ મુબારક પાવન પ્રસંગે ભવ્ય કવ્વાલી તથા ભજન કાર્યક્રમનું આયોજન કરવામાં આવ્યું હતું. આ શુભ અવસરે સમગ્ર વિસ્તારમાં સદભાવના અને એકતાનો અનોખો માહોલ જોવા મળ્યો.

આ પ્રસંગે ગુજરાતના જાણીતા કવ્વાલ આરીફ ચિશ્તી એ “મોરે ખ્વાજા મલંગ કરો કિપા, મોરે ઉસ્માન કરો કિપા, અલી અલી મૌલા અલી, યા હુસેન યા હુસેન, અજમેર મેરી મંજિલ હૈ, ખ્વાજા કા દામન નહિ છોડેંગે” જેવી કવ્વાલીઓ દ્વારા લોકમનમાં શ્રદ્ધા અને ઉત્સાહ ભર્યો હતો.

તેમજ બોરસદ ભજન મંડળીના મહંત કમલેશ વાઘેલાએ ખ્વાજા સાહેબના ગુણગાન કરતા ભજનોથી હાજર જનમેદનીને મંત્રમુગ્ધ કરી હતી. ભજન અને કવ્વાલી કાર્યક્રમ દરમ્યાન શ્રોતાઓ જમીને બેઠા રહી આનંદ માણતા નજરે પડ્યા.

આ કાર્યક્રમમાં સલીમ બાપુ, સૈયદ બાપુ (નબીપુર), મુસ્તાક અલી બાવાગોર, રામદાસ બાપુ (જગન્નાથ મહાદેવ મંદિર), આસિફભાઈ દાયમા, અબ્બાસભાઈ આનંદવાળા, નગરપાલિકા સદસ્ય એમ.એચ. પટેલ અને વરિષ્ઠ પત્રકાર યુસુફભાઈ ફાતીયા સહિતના અનેક આગેવાનો ઉપસ્થિત રહ્યા હતા.

આધ્યાત્મ અને સાંસ્કૃતિક મેળ મળતો આ ઉર્શ મુબારક કાર્યક્રમ કોમી એકતાનું જીવન્ત દૃષ્ટાંત બન્યો.

(અહેવાલ: ફઝલ રજાક ખત્રી, ડભોઇ)