🚨 જૂનાગઢ જિલ્લામાં જૂના વાહનોના વેપારીઓ માટે ફરજિયાત રજિસ્ટ્રેશન હવે જરૂરી, તાત્કાલિક જાહેરનામું જાહેર

જૂનાગઢ, તા. ૮ મે:
જૂનાગઢ જિલ્લામાં ભાંગફોડ અને અસામાજિક તત્વો દ્વારા ટુ વ્હીલર, થ્રી વ્હીલર અને ફોર વ્હીલર વાહનોનો દુરુપયોગ થતો હોવાના પગલે, હવે જુના વાહનો લે-વેચ અથવા ભાડે આપતા વેપારીઓએ ફરજિયાત રીતે સંપૂર્ણ વિગતવાર રજિસ્ટ્રેશન કરાવવું પડશે.

📋 નવા નિયમોનું સારાંશ:

• વાહન કોને વેચાયું/ ભાડે અપાયું છે તે સંબંધિત પૂર્ણ માહિતી (નામ, સરનામું, ફોન નંબર, ઓળખપત્રો, વાહન નંબર, એન્જિન અને ચેસિસ નંબર, ફોટો, આર.સી.બૂકની નકલ) લઈ ફાઈલ બનાવી રાખવી પડશે.
• આ તમામ માહિતી સ્થાનિક પોલીસ સ્ટેશનના સહી-સિક્કા સાથે રજીસ્ટરમાં નોંધવી ફરજિયાત રહેશે.
• દર મહિનાના અંતે આખા મહીનામાં થયેલા વેંચાણ/ભાડે આપેલા વાહનોના તમામ ડેટા પોલીસ અધિક્ષક, જૂનાગઢ (એ.સો.જી. શાખા) ખાતે રજૂ કરવા રહેશે.

📌 ક્યારે સુધી અમલમાં રહેશે?
આ જાહેરનામું તાત્કાલિક અસરથી અમલમાં આવી ચૂક્યું છે અને તા. ૦૬/૦૭/૨૦૨૫ સુધી અમલમાં રહેશે.

⚠️ ભંગ કરનાર માટે કાયદેસર પગલાં:
આ હુકમનો ભંગ કરનાર વિરુદ્ધ BNS, 2023ની કલમ 223 મુજબ શિક્ષા લેવામાં આવશે.

🔍 શા માટે લેવામાં આવ્યું નિર્ણય?
ઘણાં કેસોમાં જૂના વાહનોના વેચાણ બાદ તપાસ સમયે તેમની સત્તાવાર નોંધણી ન હોવાને કારણે આરોપી સુધી પહોંચી શકાતું નથી. આવા અસામાજિક તત્વો ઘણીવાર ભાડે લીધેલા વાહનોનો ગુનાહિત પ્રવૃત્તિ માટે ઉપયોગ કરતા હોવાની વિગત સામે આવી છે.

🛑 અધિકારીઓની ચેતવણી:
આદેશને ગંભીરતાથી લઈ તમામ વેપારીઓએ નિયમોનું પાલન કરવું અનિવાર્ય છે – અન્યથા કાનૂની કાર્યવાહી થશે.

અહેવાલ: નરેન્દ્ર દવે સાથે જગદીશ યાદવ, જૂનાગઢ