🚨 સુરત: કરોડો ખર્ચે બનાવેલ ગાર્ડન અને સ્પોર્ટ્સ ક્લબ બન્યું દારૂની મેફિલનું અડ્ડું, પૂર્વ ભાજપ કોર્પોરેટર ત્રાસી ઉઠ્યા!

સુરત | બ્રેકિંગ ન્યૂઝ:
અશ્વિની કુમાર-કાપોદ્રા વિસ્તારમાં સુરત મહાનગર પાલિકા દ્વારા કરોડો રૂપિયાના ખર્ચે બનાવવામાં આવેલું ગાર્ડન અને સ્પોર્ટ્સ ક્લબ હાલ અસામાજિક તત્વો માટે દારૂની મેફિલ માનવાનો અડ્ડો બની ગયું છે. સ્થાનિકો સહિત પૂર્વ ભાજપ કોર્પોરેટર મુકેશ કોથીયાએ આ મુદ્દે ભારે નારાજગી વ્યક્ત કરી છે અને સ્થળ પર જાતે રેડ પણ કરી છે.

પૂર્વ કોર્પોરેટરનો આરોપ છે કે, “જ્યાં બાળકો રમવા જાય છે, જુવાન કસરત કરવા જાય છે ત્યાં દારૂની ખાલી બોટલો, ગંદકી અને અસામાજિક પ્રવૃત્તિઓ જોવા મળે છે. મહાનગર પાલિકાના નાગરિક સુવિધા પ્રોજેક્ટોનો આવો દુરુપયોગ નહિ ચલાવે.“

📌 મુખ્ય મુદ્દાઓ:

• ગાર્ડન અને ક્લબનો ઉપયોગ અસામાજિક તત્વો દ્વારા દારૂ પીવા માટે
• સુરક્ષા અને દેખરેખના અભાવે વિસ્તાર અસુરક્ષિત
• પૂર્વ કોર્પોરેટર અને સ્થાનિકોની રેડ
• ગંદકી, ખાલી દારૂની બોટલો, અશ્લીલતા ફેલાવતી પ્રવૃત્તિઓ

📢 મુકેશ કોથીયાનું નિવેદન (બાઈટ):
“આ સમગ્ર વિસ્તાર મહાનગર પાલિકાની ઘોર બેદરકારીનો શિકાર છે. તાત્કાલિક સુરક્ષા વ્યવસ્થા ગોઠવાય, નિયમિત ચેકિંગ થાય અને દોષિતો પર કડક કાર્યવાહી થાય તેવી અમારી માંગ છે.”

સ્થાનિક લોકોના પ્રશ્નો હવે ઉગ્ર બન્યા છે, અને જો તંત્ર ગંભીરપણે પગલાં ન લે તો ઉપવાસ આંદોલનની પણ ચીમકી આપવામાં આવી છે.

📍 અહેવાલ: સુરત ન્યૂઝ ડેસ્ક