🛑જેતપુરમાં નકલી નોટ રેકેટનો પર્દાફાશ, સુખપુર ગામે ચાલતું હતું છાપખાનું!

જેતપુર: શહેરમાંથી એક મોટો નકલી નોટનો કૌભાંડ પર્દાફાશ થયો છે. પોલીસ તપાસમાં ચોંકાવનારા ખુલાસાઓ થતાં ગઈકાલે ધરપકડ થયેલ ત્રણ શખ્સો અંગે તપાસ વધુ ઘીરો બની છે. આરોપીઓ છેલ્લા 5 થી 6 મહિનાથી નકલી નોટોનું મોટું રેકેટ ચલાવતા હતા અને જુનાગઢ જિલ્લાના સુખપુર ગામમાં નકલી નોટો છાપવાનો બાંધકામ ચલાવી રહ્યા હતા.

DYSP રોહિત ડોડીયાના માર્ગદર્શન હેઠળની ટીમે જેતપુરમાં દરોડા પાડતાં ત્રણે શખ્સો પોલીસે ઝડપી પાડ્યા. આરોપીઓ પાસેથી 500 રૂપિયાની નકલી નોટોનો જથ્થો મળ્યો હતો. નોટો મૂળ રૂપે અસલી બંડલમાં નકલી નોટ મૂકીને માર્કેટમાં ફરી વેતરિત કરાતી હતી જેથી સામાન્ય લોકો છેતરાઈ જાય.

પોલીસે આ મુદ્દે કબ્જે કરેલ મુદ્દામાલમાં સમાવિષ્ટ છે:

• નોટ છાપવાનું પ્રિન્ટર મશીન
• વિશેષ કાગળો
• છાપકામ માટેની પ્લેટો અને સામગ્રી

તેઓએ કબૂલાત કરી છે કે નકલી નોટોનું ઉત્પાદન ખાસ ડિઝાઇન અને કાગળ દ્વારા થાય છે જેથી તેના પર સાવધાનીથી નજર ન રાખવામાં આવે તો તે અસલી જ લાગતી હોય.

આરોપીઓ હાલ 21 એપ્રિલ સુધી પોલીસ રિમાન્ડ પર છે અને પૂછપરછ ચાલુ છે. અધિકારીઓના જણાવ્યા મુજબ, આ નકલી નોટોની નેશનલ લેવલે ફરજિયાત તપાસ કરવાની જરૂર છે કારણ કે તેમાં વધુ લોકોનો હાથ હોવાનો સંદેહ છે.

👉 DYSP રોહિત ડોડીયાની બાઈટ અનુસાર, “આ એક ઓર્ગેનાઈઝ્ડ રેકેટ છે. આરોપીઓ પાસેથી મળેલી વિગતોના આધારે વધુ લોકોની સંડોવણી બહાર આવશે. જે કોઈ નકલી નોટ બનાવે છે અથવા તેને ચલાવે છે, તેઓ સામે કડક પગલાં લેવાશે.”

📌 નાગરિકોને ચેતવણી અપાઈ છે કે કોઈ પણ શંકાસ્પદ નોટ મળે તો તાત્કાલિક નજીકની પોલીસ સ્ટેશન પર માહિતી આપવી.

અહેવાલ: વિમલ સોંદરવા, રાજકોટ