🧾 ભાવનગર LCBની મોટી સિદ્ધિ: ₹111 કરોડના સાયબર ફ્રોડના નાસતા ફરતા આરોપીની ધરપકડ!

ભાવનગર લોકલ ક્રાઇમ બ્રાન્ચે રાષ્ટ્રીય સ્તરે ભારે ચકાસણી પામેલા ખોટા દસ્તાવેજો અને સાયબર ફ્રોડના કેસમાં નાસતા ફરતા આરોપી દશરથ રામજીભાઈ ધાંધલિયાને ઝડપી પાડ્યો છે. આરોપી સામે ભરૂચ સીટી સી-ડિવિઝન તથા સુરત શહેરના સાયબર ક્રાઈમ પોલીસ સ્ટેશનમાં ગંભીર ગુન્હાઓ નોંધાયેલા હતા.

👮 મહત્વપૂર્ણ કાર્યવાહી પોલીસ સૂચન અનુસાર

પોલીસ મહાનિરીક્ષક શ્રી ગૌતમ પરમાર તથા જિલ્લા પોલીસ અધિક્ષક ડો. હર્ષદ પટેલના માર્ગદર્શન હેઠળ LCB PI શ્રી એ.આર. વાળા અને તેમની ટીમ દ્વારા શહેર તથા ગ્રામ્ય વિસ્તારમાંથી વણસોધાયેલ આરોપીઓને પકડી પાડવા સતત ઓપરેશન હાથ ધરાયું છે.

🕵️‍♂️ ગોપનીય બાતમીના આધારે રેડ

LCB ટીમ પેટ્રોલિંગ દરમ્યાન એવી બાતમી મળી હતી કે, “દશરથ રામજીભાઈ ધાંધલિયા નામનો શખ્સ પોતાના નિવાસસ્થાને આગળ હાજર છે.” તપાસ કરતાં આરોપી આછા ખાખી ટી-શર્ટ અને ક્રીમ લોઅરમાં મળી આવ્યો. ઉંડાણપૂર્વકની પૂછપરછ બાદ જાણવા મળ્યું કે તે ભરૂચ અને સુરત શહેરમાં નોંધાયેલા છેતરપિંડીના ગુનાઓમાં ફરાર છે.

⚖️ કાયદેસર કાર્યવાહી માટે બોરતળાવ પોલીસને સોંપાયો

દરપકડ બાદ આરોપીને વધુ કાર્યવાહી માટે બોરતળાવ પોલીસ સ્ટેશનમાં સોંપવામાં આવ્યો છે. તેમજ ભરૂચ સીટી સી ડીવીઝન અને સુરત સાઇબર ક્રાઈમ પોલીસ સ્ટેશનને તાકીદે જાણ કરવામાં આવી છે.

🧑‍💻 આરોપીની વિગત:

• નામ: દશરથભાઈ રામજીભાઈ ધાંધલિયા (ઉ.વ. 31)
• વ્યવસાય: વેપાર
• હાલ રહેવું: રૂમ નં-401, સ્વપ્ન સાકાર રેસીડેન્સી, નર્મદા બિલ્ડિંગ, આખલોલ જકાતનાકા, ભાવનગર
• મૂળ રહેવાસ: એલ-501, હરિકૃષ્ણા રેસીડેન્સી, ઉમરા ફાટક, સુરત

📂 દાખલ ગુન્હાઓની વિગતો:

1. ભરૂચ સીટી સી-ડિવિઝન પો.સ્ટે:
   • ગુ.ર.સં. 11199001240997/2024
   • કલમ: IPC 420, 465, 467, 468, 471, 120B, 114
2. સુરત સાયબર ક્રાઈમ પો.સ્ટે:
   • ગુ.ર.સં. 11210062240060/2024
   • BNS કલમો: 319(2), 318(4), 336(2), 338, 336(3), 340(2), 61(2), 3(5)
   • IT Act, 2008 ની કલમ: 66D

💰 ₹111 કરોડના ટ્રાન્ઝેકશનનો ખુલાસો

આરોપીએ અલગ અલગ બેંકોના 623 ખાતાઓના ઉપયોગથી સાયબર ઠગાઈની મોટી રકમ ટ્રાન્સફર કરાવી. આ તમામ એકાઉન્ટ્સમાં કુલ રૂ. 111 કરોડથી વધુના ટ્રાન્ઝેક્શન થયાનું તપાસમાં ખુલ્યું છે, જે ભારતના સાયબર ક્રાઈમ ઈતિહાસમાં નોંધપાત્ર છે.

🛡️ LCBની ઝડપી કામગીરી પ્રશંસનીય

આ દરપકડથી સાબિત થાય છે કે LCB ક્રાઈમ બ્રાન્ચ દ્રઢ નિર્ધાર સાથે નાસતાં ફરતા આરોપીઓ સામે સક્રિય છે અને જનતાની સુરક્ષા માટે સતત જાગૃત છે.

🔍 વધુ અપડેટ અને લોકલ ક્રાઈમ સમાચાર માટે જોડાયેલા રહો.

🖋️ અહેવાલ: સતાર મેતર, ભાવનગર