આણંદ :
અમદાવાદ-વડોદરા એક્સપ્રેસ હાઇવે પર વહેલી સવારે અકસ્માત સર્જાતા છ લોકોના મોત થયા છે. વડોદરાથી અમદાવાદ તરફ આણંદના ચિખોદરા નજીક ટ્રક અને ખાનગી બસ વચ્ચે અકસ્માત સર્જાયો હતો.
અમદાવાદ-વડોદરા હાઇવે પર અકસ્માત
મહારાષ્ટ્રથી રાજસ્થાન તરફ જઇ રહેલી ખાનગી બસને અમદાવાદ-વડોદરા હાઇવે પર આણંદના ચિખોદરા નજીક અકસ્માત નડ્યો હતો. ટ્રક અને બસ વચ્ચે અકસ્માત થતા ત્રણ લોકોના ઘટનાસ્થળે જ્યારે ત્રણ વ્યક્તિના સારવાર દરમિયાન મોત થયા હતા.
બનાવની જાણ થતા જ ફાયર અને પોલીસનો કાફલો ઘટનાસ્થળે દોડી આવ્યો હતો. અકસ્માતને પગલે હાઇવે પર ટ્રાફિક જામના દ્રશ્યો સર્જાયા હતા. આ અકસ્માત વહેલી સવારે ચાર વાગ્યે થયો હતો. આ અકસ્માતમાં 12થી 15 લોકો ઘાયલ થયા હોવાનું જાણવા મળે છે.
અહેવાલ:- ગુજરાત બ્યુરો
