ગીર સોમનાથ:
જિલ્લા સેવા સદન, ઈણાજ ખાતે “રાષ્ટ્રીય એકતા પરિસંવાદ” યોજાયો હતો જેમાં લોખંડી પુરુષ સરદાર વલ્લભભાઈ પટેલના જીવનસંદેશોને સાદગીભર્યા અને અસરકારક શૈલીમાં રજૂ કરવામાં આવ્યા. સરદાર પટેલને ભારતના અખંડ સ્વરૂપના શિલ્પી તરીકે ઓળખવામાં આવે છે અને તેમના ત્યાગ, કર્તવ્યભાવના અને દ્રઢસંકલ્પથી ભરપૂર જીવનના આદર્શોને પરિસંવાદમાં વિસ્તૃત રીતે સમજાવવામાં આવ્યા.
શિક્ષક દિપકભાઈ નિમાવતે દ્વારા આ અવસરે વિશદ વક્તવ્ય આપવામાં આવ્યું હતું. તેમણે જણાવ્યું કે સ્વાતંત્ર્યપ્રાપ્તિ પછી દેશમાં જોડાણ લાવવાનો સૌથી મોટો બોજો સરદાર પટેલે ખૂબ કુશળતાપૂર્વક વહન કર્યો. જૂનાગઢ, હૈદરાબાદ અને જમ્મુ-કાશ્મીર જેવા રાજ્યોના વિલય વિષે વાત કરતાં તેમણે સરદારના નિવેડાની નમ્રતા સાથે મક્કમતા દર્શાવી.
દિપકભાઈએ ઉમેર્યું કે સરદારભાઈનું જીવન ચરિત્ર એ રાષ્ટ્રસેવાના દીવાનગીને ઉજાગર કરે છે. તેમણે પોતાના સ્વપ્નોને પછાડીને દેશ માટે બધું અર્પણ કર્યું. તેઓ બ્રિટિશ રાજમાં લંડન જઈને બેરિસ્ટર બન્યાં અને આગળ જઈને ગાંધીજીના માર્ગદર્શન હેઠળ આઝાદી આંદોલનમાં ઝંપલાવ્યાં.
સરદારના વ્યક્તિત્વ અને વિચારસરણી એ આજે પણ ભારતના નાગરિકો માટે પ્રેરણારૂપ છે. દેશને અખંડ રાખવામાં તેમનું યોગદાન અધૂરૂં નથી, એનું સ્મરણ માત્ર ઐતિહાસિક નહીં પરંતુ આત્મવિશ્વાસદાયક છે.
આ સમારોહમાં જિલ્લા પંચાયત પ્રમુખ મંજુલાબેન મૂછાર, ધારાસભ્ય ભગવાનભાઈ બારડ, કલેક્ટર એન.વી. ઉપાધ્યાય, જિલ્લા વિકાસ અધિકારી સ્નેહલ ભાપકર, અને જિલ્લા પોલીસ વડા મનોહરસિંહ જાડેજા સહિતના અધિકારીઓ ઉપસ્થિત રહ્યા હતા.
અંતે, સરદાર પટેલને શ્રદ્ધાંજલિરૂપે તેમનું જીવનધ્યેય યાદ કરાયું કે – “મજબૂત ઇરાદા અને એકતા થી ભારત આજે છે. સરદાર વગર આ એકતા શક્ય નહોત.”
📍 અહેવાલ: પ્રકાશ કારાણી – વેરાવળ, સોમનાથ
