કોલેજ ઓફ વેટરનરી સાયન્સ એન્ડ એનિમલ હસબન્ડ્રી, કામધેનુ યુનિવર્સિટી, જૂનાગઢ દ્વારા 26મી જાન્યુઆરી, 2025ના રોજ સવારે 8.30 કલાકે કોલેજના એનએસએસ યુનિટ હેઠળ 76માં પ્રજાસત્તાક દિવસની ઉજવણી કરવામાં આવી તેમાં કાર્યક્રમની શરૂઆતમાં ડૉ. દીનદયાળ, એસોસિયેટ પ્રોફેસર અને હેડ, એનિમલ ન્યુટ્રીશન, જૂનાગઢ દ્વારા રાષ્ટ્રધ્વજ ફરકાવીને કરવામાં આવી હતી.
રાષ્ટ્રધ્વજ ફરકાવ્યા બાદ, આ કોલેજ તેમજ પોલીટેકનિકના વિવિધ ફેકલ્ટી સભ્યો અને વિદ્યાર્થીઓએ રાષ્ટ્રગીત ગાઈને રાષ્ટ્રધ્વજને સલામી અર્પી હતી અને ભારતને આઝાદ કરવા માટે પોતાનું બલિદાન આપનાર વિવિધ સ્વાતંત્ર્ય સેનાનીઓને યાદ કર્યા હતા. આ કાર્યક્રમમાં કુલ 150 વિદ્યાર્થીઓ અને સ્ટાફ સભ્યોએ સક્રિયપણે ભાગ લીધો હતો. ડો.એ.બી. ઓડેદરા, ડો.વી.એ.કાલરીયા, ડો.પી.જી. ડોડીયા અને તેમની ટીમે કાર્યક્રમને સફળ બનાવવા શ્રેષ્ઠ પ્રયાસો કર્યા હતા.
અહેવાલ : નરેન્દ્ર દવે સાથે જગદીશ યાદવ (જૂનાગઢ)
