જૂનાગઢ ખાતે રાષ્ટ્રીય મગફળી સંશોધન કેન્દ્રની મુલાકાતે આવેલા કેન્દ્રીય કૃષિ અને ગ્રામીણ વિકાસ મંત્રી શિવરાજસિંહ ચૌહાણે આજે ખેડૂતો અને સફળ મહિલાઓ સાથે સંવાદ કર્યો હતો. તેમણે જણાવ્યું કે નારી તું નારાયણી એ સૂત્ર ગુજરાતની ગ્રામ્ય મહિલાઓએ ખરા અર્થમાં સાબિત કર્યું છે. ભારત સરકારના મંત્રીએ નોંધ્યું કે દેશના પ્રગતિપથ પર મહિલાઓના પરિશ્રમ અને સિદ્ધિનો અમૂલ્ય ફાળો છે.
તેમણે જણાવ્યું કે વડાપ્રધાન નરેન્દ્ર મોદીના નેતૃત્વમાં સરકારે लक्ष्य રાખ્યું છે કે આવતા 15 ઓગસ્ટ સુધી દેશભરમાં 2 કરોડ મહિલાઓને લખપતિ બનાવી દેવી છે. ગુજરાતની મહિલાઓ માત્ર લાખોની કમાણીમાં જ નહીં પરંતુ મિલિયનર બનવામાં પણ આગળ છે.
કેન્દ્રીય મંત્રીએ કહેલું કે ગુજરાતના ખેડૂતો પ્રાકૃતિક ખેતીમાં આગવી ઓળખ બનાવી રહ્યા છે. સરકાર દ્વારા ખેડૂતોના ઉત્પાદન ખર્ચ ઘટાડવા અને તેમની પેદાશને યોગ્ય ભાવ આપવાનો સતત પ્રયાસ થઇ રહ્યો છે. ખેડૂતને ભગવાન સમાન માની, તેમની સેવા ને શ્રેષ્ઠ પૂજા ગણાઈ રહી છે.
આ અવસરે લખપતિ દીદીઓનું સન્માન કરવામાં આવ્યું અને મગફળી સંશોધન કેન્દ્રનો વાર્ષિક રિપોર્ટ તેમજ લખપતિ દીદી સંકલન પુસ્તકનું વિમોચન પણ કર્યું. કાર્યક્રમમાં પ્રદેશના વિવિધ મહાનુભાવો, લોકપ્રતિનિધિઓ અને અધિકારીઓ ઉપસ્થિત રહ્યા.
મહિલાઓની આત્મનિર્ભરતા અને કૃષિ વિકાસના સંદેશ સાથે આ કાર્યક્રમને નોંધપાત્ર સફળતા મળી હતી.
અહેવાલ:
નરેન્દ્ર દવે સાથે જગદીશ યાદવ, જૂનાગઢ
