કેશોદ, 12 એપ્રિલ 2025
જુનાગઢ જિલ્લાના કેશોદ તાલુકાના પાણખાણ ગામે ખેતરમાં જવાના રસ્તા અંગે શેઢાઓ વચ્ચે ચાલતો વિવાદ આજે સવારે જીવલેણ અથડામણમાં પરિણમ્યો હતો. વહેલી સવારે 9:30 વાગ્યે શરૂ થયેલા આ ઘાતક ઝપાઝપીમાં એક આઘેડ ખેડૂત પીઠરામભાઈ રાયમલભાઈ ગાગણાનું ઘટનાસ્થળે મોત નિપજ્યું હતું, જ્યારે અન્ય પાંચ ઇજાગ્રસ્ત થયાં છે જેમાંથી બેને ગંભીર હાલતમાં જુનાગઢ રિફર કરાયા છે.
વિવાદના મૂળમાં જમીનનો માર્ગ:
વિરોધી પક્ષે શેઢાની જમીનમાંથી પસાર થતો રસ્તો બંધ કરી દેતા સાત મહિના જૂના વિવાદે તીવ્ર સ્વરૂપ ધારણ કર્યું. પીઠરામભાઈના ભત્રીજાએ ખેડૂત ભાયાભાઈ પાસેથી જમીન ખરીદી હતી. જેના મારફતે જાય તે રસ્તો નાજાભાઈ ગાગાભાઈ જોટાની જમીનમાંથી પસાર થતો હતો. આ મુદ્દે નાયબ કલેકટરે નાજાભાઈની ફરિયાદ નકારી નાખતાં વિવાદ વધારે ઉગ્ર બન્યો હતો.
જાણે યુદ્ધના મંચે ઘાતકી હુમલો:
ભૂતકાળના વિવાદને લઈને આજે સવારે પીઠરામભાઈ અને તેમના પરિવારના સભ્યો ખેતર તરફ ટ્રેક્ટર લઈને જતાં જોટા પરિવારના 15 જેટલા સભ્યો હથિયારોથી સજ્જ ઉભા રહ્યા હતા. લોખંડના પાઈપ, દાતરડાં, લાકડીઓ અને કુહાડીઓ વડે ઘાતક હુમલો કરવામાં આવ્યો હતો. ગાળો, ધમકી અને મારામારી વચ્ચે આખું પરિસર તણાવગ્રસ્ત બની ગયું હતું.
આક્રોશજનક ઘટનાએ સમગ્ર પાણખાણ હચમચ્યું:
હલકાળે પડેલા પીઠરામભાઈનું મૃત્યુ થયું હતું. જેઠસુરભાઈ અને વિક્રમભાઈ ગંભીર ઇજા પામતાં તેમને જુનાગઢ રિફર કરવામાં આવ્યાં હતાં. ઘટનાની જાણ થતાં કેશોદના DYSP બી.સી. ઠક્કર, PI પી.એ. જાદવ સહિતના પોલીસ કાફલાએ ઘટના સ્થળ પર પહોંચી સમગ્ર વિસ્તાર કોર્ડન કર્યો હતો. સાથે જ જુનાગઢથી એફએસએલ ટીમ દ્વારા સ્થળ પરથી પુરાવાઓ એકત્રિત કરાયા.
કાયદાકીય કાર્યવાહી શરૂ:
ફરિયાદને આધારે પંદર જેટલા ઈસમો વિરુદ્ધ, જેમાં ચાર મહિલા પણ સામેલ છે, કેશોદ પોલીસ દ્વારા ગુનો દાખલ કરીને વધુ તપાસ શરૂ કરાઈ છે. પોલીસ હાલ મૃતકના પરિવારના નિવેદનો, પુરાવાઓ અને સીસીટીવીના આધાર પર ગુનો મજબૂત કરી રહી છે.
અહેવાલ: રાવલિયા મધુ – કેશોદથી
