કેશોદ (જિલ્લો જૂનાગઢ):
જૂનાગઢ જિલ્લામાં હાલ ચાલી રહેલી ધારાસભાની પેટા ચૂંટણીને લઈ પોલીસે કાયદો અને વ્યવસ્થાનીSituation મજબૂત કરવા માટે ચુસ્ત કાર્યવાહી શરૂ કરી છે. કેશોદ પોલીસ તંત્રએ મોટી સફળતા મેળવી છે જ્યાં વિદેશી દારૂની મોટી ખેપ ઝડપવામાં આવી છે. કુલ રૂ. ૬,૭૩,૯૪૪/- નો મુદામાલ કબજે કરીને ત્રણ આરોપીઓને ઝડપવામાં આવ્યા છે, જ્યારે અન્ય ત્રણ ઈસમો વિરુદ્ધ ગુનો નોંધી વધુ તપાસ હાથ ધરાઈ છે.
કેશોદના પોલીસ ઈન્સ્પેકટર પી.એ. જાદવના માર્ગદર્શન હેઠળ હેડ કોન્સ્ટેબલ પ્રકાશભાઈ ડાભી સહિતના સ્ટાફે મળેલી ખાનગી બાતમીના આધારે ટ્રેકિંગ રાખી માધવપુર તરફ જઈ રહેલા ટ્રક નંબર GJ-15-AT-8336 ને કેશોદ બાયપાસ પાસે રોકી તપાસ હાથ ધરી હતી. ટ્રકની કેબીનમાં ત્રણ શંકાસ્પદ ઈસમો મળી આવ્યા હતા.
ટ્રકની ચકાસણી દરમ્યાન તેના અંદર ભારતીય બનાવટના વિદેશી દારૂની જુદી જુદી બ્રાન્ડની ૪૮૦ બોટલો તથા બીયરના ટીન મળ્યા હતા. કુલ દારૂની કિંમત રૂ. ૧,૪૨,૯૪૪/- છે. સાથે ટ્રકની કિંમત રૂ. ૫,૦૦,૦૦૦/-, તેમજ ત્રણ મોબાઈલ ફોન રૂ. ૩૧,૦૦૦/- મળીને કુલ રૂ. ૬,૭૩,૯૪૪/- નો મુદામાલ કબજે કરવામાં આવ્યો.
ઝપાયેલ ત્રણ આરોપીઓમાં રમેશભાઈ અરજણભાઈ ડોકલ (ઉ.વ. ૨૮), ભાવેશભાઈ ભીમાભાઈ બાલસ (ઉ.વ. ૨૭) અને ધીરુભાઈ રામભાઈ ડાભી (ઉ.વ. ૨૬) – ત્રણેય રહીશો માધવપુરના છે. પોલીસે આ ત્રણેયને ધરપકડ કરી છે, જ્યારે વધુ ત્રણ ઈસમો – અજમેર ટોલનાકા પાસેનો દુકાનદાર, દારૂ મંગાવનાર રાહુલભાઈ (જુનાગઢ નિવાસી) અને રાહુલભાઈનો મિત્ર –ને ઝડપવા ત્વરિત પગલાં લેવામાં આવી રહ્યા છે.
આ સમગ્ર કાર્યવાહી પ્રોહિબીશન એક્ટની વિવિધ કલમો હેઠળ નોંધાઈ છે. આ કામગીરી કેશોદ પોલીસ સ્ટેશનના હેડ કોન્સ્ટેબલ પ્રકાશભાઈ ડાભી આગળ વધી તપાસ કરી રહ્યા છે.
ચૂંટણીના માહોલમાં કડક કાર્યવાહીથી કેશોદ પોલીસ ફરી એકવાર ચમકી છે અને પ્રવૃતિઓ સામે શૂન્ય સહિષ્ણુતા દાખવી છે.
અહેવાલ: રાવલિયા મધુ, કેશોદ
