📍 કોડીનાર, તા. 17 એપ્રિલ 2025
કલેક્ટર દિગ્વિજયસિંહ ડી. જાડેજાના માર્ગદર્શન હેઠળ કોડીનાર તાલુકાના નાનાવાડા ગામે એક મોટાપાયે દબાણ હટાવવાની કાર્યવાહી અમલમાં મુકાઈ. કુલ 4-20-88 ચો.મી. (લગભગ 82.50 લાખ રૂપિયાની) સરકારી જમીનમાંથી ગેરકાયદેસર બાંધકામો દૂર કરાયા.
દબાણ હટાવવાના સ્થળ અને વિગતો:
- સ્થળ: ગામ – નાનાવાડા, તાલુકો – કોડીનાર
- સરકારી સર્વે નં.: 87/પૈ.1
- જમીનનો વિસ્તાર: હે. 4-20-88 ચો.મી.
- દબાણ પ્રકાર: પતરાવાળા શેડ, વે બ્રિજ (વજનકાંટો), બાથરૂમ વગેરે
મામલતદાર કોડીનારની ટીમે તંત્રની સૂચના મુજબ આ દબાણો દૂર કર્યા હતા. આ કામગીરી દરમિયાન કોઈ પણ પ્રકારની અવરોધન નથી થઈ, અને પ્રક્રિયા શાંતિપૂર્ણ રીતે સંપન્ન થઈ.
બજાર કિંમત મુજબ સંપત્તિની કિંમત:
આ જમીનની હાલની અંદાજિત બજાર કિંમત આશરે ₹82.50 લાખ છે, જે રાજ્ય સરકાર માટે મૂલ્યવાન સંપત્તિ તરીકે ગણાય છે.
🗣️ કલેક્ટરશ્રીનો સંદેશ:
“સરકારી જમીન પર ગેરકાયદેસર કબજા કરનારાઓ વિરુદ્ધ આવી કાર્યવાહી ચાલુ રહેશે. નાગરિકોએ કાયદાકીય માર્ગે જમીનસંપત્તિનો ઉપયોગ કરવો જરૂરી છે.”
📍 અહેવાલ: પ્રકાશ કારાણી, વેરાવળ
