શ્રાવણ માસમાં ભક્તિ અને આધ્યાત્મિક ઉજવણીઓનો માહોલ પ્રસરી ગયો છે. તિર્થભૂમિ ગિરનાર પર્વત તળેટી, ભવનાથ વિસ્તારમાં આવેલા કાશ્મીરી બાપુના પવિત્ર આશ્રમ ખાતે શ્રાવણ સુદ નૌમ, તા. 26 જુલાઈ શનિવારથી શરૂ થનારી નવ દિવસીય શિવમહાપુરાણ કથાનો પ્રારંભ થવાનું છે. આ કથા તા. 3 ઓગસ્ટ રવિવાર સુધી ચાલી રહ્યા છે.
કથા વિધિ દરરોજ સવારે 9 થી 12 અને બપોરે 3 થી 6 વાગ્યા દરમિયાન આયોજિત કરવામાં આવી છે. આ પાવન પ્રસંગે આચાર્યશ્રી નિકુંજ મહારાજ ત્રિવેદી વ્યાસપીઠે રહી શિવમહિમાનું અમૃતપાન કરાવશે. શિવમહાપુરાણનાં છ ખંડોમાં વિસતૃત થયેલાં 24 હજાર શ્લોકોમાં શિવ ઉપાસના, તત્વદર્શન અને પૂજન પદ્ધતિઓની વિગતવાર સંકલન છે.
આ પવિત્ર સ્થળે કૈલાસવાસી સંત કાશ્મીરી બાપુ દ્વારા વર્ષો પહેલા શરૂ કરાયેલી આધ્યાત્મિક પરંપરા આજે પણ જીવંત છે. મહંતશ્રી 1008 નમર્દાપુરી માતાજી આ અધ્યાત્મ ગાથાને આગળ ધપાવી ભક્તો માટે અન્નક્ષેત્ર સહિત અનેક પ્રવૃત્તિઓ કાર્યરત રાખી રહ્યા છે.
શ્રાવણ મહિના દરમિયાન આયોજિત આ કથા મહોત્સવને લઈ સેવકમંડળ અને આશ્રમ દ્વારા વિશાળ આયોજન કરવામાં આવ્યું છે. સમગ્ર વિસ્તાર ભક્તિભાવ અને આધ્યાત્મિકતાથી ગૂંજવાની તૈયારીમાં છે. આવાં પવિત્ર પ્રસંગમાં ભાગ લેવા માટે સમગ્ર જીવનપ્રેમી ભક્તજનોને મનથી, પ્રેમથી અને શ્રદ્ધાથી નિમંત્રણ પાઠવાયું છે.
