ગીર સોમનાથ જિલ્લામાં કાનૂની માર્ગે ન્યાય માટે દોડધામ ઓછા થાય અને પક્ષકારોને સમાધાનના માધ્યમથી ઝડપથી ન્યાય મળે એ હેતુથી તા. ૧૨ જુલાઈ, ૨૦૨૫ ના રોજ નેશનલ લોકઅદાલતનું આયોજન કરાયું છે.
નેશનલ લીગલ સર્વિસ ઓથોરિટી, ન્યૂ દિલ્હીના આદેશ અને ગુજરાત રાજ્ય કાનૂની સેવા સત્તા મંડળ, અમદાવાદના માર્ગદર્શન હેઠળ ગીર સોમનાથ જિલ્લા કાનૂની સેવા સત્તા મંડળ દ્વારા આ લોકઅદાલત યોજાશે.
આ લોકઅદાલતમાં નીચે જણાવેલા કેસો સમાધાનના આધારે રજૂ કરી શકાય:
ચેક રિટર્ન (એન.આઈ.એક્ટ ૧૩૮) કેસો
સમાધાનલાયક ફોજદારી કેસો
દિવાની દાવાઓ
બેંક લેણાં
મોટર વાહન અકસ્માત વળતર કેસો
લેબર કેસ
વીજબીલ અને પાણીબીલ સંબંધિત દાવાઓ
સર્વિસ મેટર અને જમીન સંપાદન કેસો
લગ્ન સંબંધિત અથવા પર્સનલ ડિસ્પ્યુટ કેસો
રેવન્યૂ બાબતો
જે પક્ષકારો તેમના કેસ નેશનલ લોકઅદાલતમાં રજૂ કરવા ઈચ્છતા હોય, તેમણે સમયસર પોતાની અરજીઓ જિલ્લા કોર્ટ, વેરાવળ ખાતેના કાનૂની સેવા સત્તા મંડળ અથવા તાલુકા કોર્ટોમાં આવેલી કાનૂની સમિતિઓના સંપર્કમાં લાવી આપવી રહેશે.
આ બાબત અંગે જિલ્લા કાનૂની સેવા સત્તા મંડળ, ગીર સોમનાથના અધ્યક્ષ શ્રી વી.બી. ગોહિલ તથા સેક્રેટરી શ્રી જે.એન. પટેલે નિવેદન આપ્યું છે કે વધુમાં વધુ લોકોને આ લોકઅદાલત દ્વારા ન્યાય મળવો જોઈએ અને ખર્ચ, સમય તથા ઉધારેલી દાવાઓના વણસઘળા વળતો ટળી શકે તે હેતુથી જાહેર જનતાએ તેનો લાભ લેવો જોઈએ.
અહેવાલ : પ્રકાશ કારાણી – વેરાવળ, સોમનાથ
