ગુજરાત સરકારના વિકાસલક્ષી અભિગમને આગળ વધારતા, સમગ્ર રાજ્યમાં ‘જનસુરક્ષા સંતૃપ્તિ અભિયાન’ની શરુઆત મુખ્યમંત્રી ભૂપેન્દ્રભાઈ પટેલ દ્વારા ગાંધીનગરથી વર્ચ્યુઅલ માધ્યમથી કરવામાં આવી હતી. તદઅનુષાંગે, ગીર સોમનાથ જિલ્લામાં પણ કલેક્ટર એન.વી. ઉપાધ્યાયની અધ્યક્ષતામાં કાર્યક્રમ યોજાયો હતો.
આ અભિયાનનો મુખ્ય હેતુ છે છેલ્લા પાંસળીયાં માનવી સુધી જનકલ્યાણલક્ષી યોજનાઓના લાભોને પહોંચી વળવા. કલેક્ટરે જિલ્લાના તમામ વહીવટી વિભાગો, પ્રાંત અધિકારીઓ અને લીડ બેંક અધિકારીઓ સાથે મળીને કાર્યરત રોડમેપ તૈયાર કર્યો છે, જેથી આ અભિયાનના ત્રણ માસ દરમિયાન – 1 જુલાઈથી 30 સપ્ટેમ્બર સુધી – ગ્રામ્ય વિસ્તારના લોકોને યોજનાનો સીધો લાભ મળી શકે.
આ વર્ચ્યુઅલ કૉન્ફરન્સમાં જિલ્લા વિકાસ અધિકારી સ્નેહલ ભાપકર, નિવાસી અધિક કલેક્ટર રાજેશ આલ, ગ્રામ વિકાસ એજન્સીના નિયામક યોગેશ જોશી, તેમજ વિવિધ લીડ બેન્ક અધિકારીઓ ઉપસ્થિત રહ્યા હતા. કલેક્ટરે સ્પષ્ટ સૂચન આપ્યું કે દરેક યોજના યોગ્ય લાભાર્થી સુધી પહોંચે એ સુનિશ્ચિત કરવામાં આવે, અને ગામગામ સુધી કામગીરી માટે નિર્ધારિત સમયસીમામાં કામગીરી થાય.
આ અભિયાન વડાપ્રધાન નરેન્દ્ર મોદીના વિકસિત ભારતના દ્રષ્ટિકોણને સાકાર કરવા અને ગુજરાતના દરેક નાગરિકને સામાજિક અને આર્થિક રીતે મજબૂત બનાવવા તરફ એક સશક્ત પગથિયું છે.
અહેવાલ : પ્રકાશ કારાણી, (વેરાવળ-સોમનાથ)
