ગીર સોમનાથ: આજે ઇણાજ ખાતે ગીર સોમનાથ જિલ્લાના શૈક્ષણિક ક્ષેત્રે મહત્વપૂર્ણ પગલાં ભરતા ૧૧૨ નવા વિદ્યાસહાયક શિક્ષકોને નિમણૂક પત્રો એનાયત કરવામાં આવ્યા છે.
દિલથી માનવામાં આવે છે કે રાષ્ટ્રના વિકાસ માટે નાગરિકોનું શિક્ષિત અને સંસ્કારવંતું હોવું અનિવાર્ય છે. આ દિશામાં ગીર સોમનાથ જિલ્લામાં પ્રાથમિક શિક્ષણને વધુ મજબૂત બનાવવા માટે શિક્ષક વર્ગમાં નોંધપાત્ર ઉમેરો કરવામાં આવ્યો છે.
જિલ્લા પંચાયતના પ્રમુખ માન. મંજૂલાબેન મૂછાળના હસ્તે આ નિમણૂક પત્રો વિતરણ થયા હતા. તેમની સાથે જિલ્લા શિક્ષણ સમિતિના ચેરમેન પી.ડી. ટાંક, સામાજિક ન્યાય સમિતિના ચેરમેન અને જિલ્લા પ્રાથમિક શિક્ષણાધિકારી એ.એચ. પટેલ પણ ઉપસ્થિત રહ્યા હતા.
વિશેષતા એ છે કે, કુલ ૧૧૭ ઉમેદવારોમાંથી ૧૧૨ ઉમેદવારો આજના કેમ્પમાં હાજર રહી પોતાની નિમણૂક પ્રાપ્ત કરી હતી. આમ, શાળાઓમાં શિક્ષક ખૂટતુ હોવાથી વિદ્યાર્થીઓના શિક્ષણમાં આવતા વિલંબ અને સમસ્યાઓને હવે મોટાપાયે ઉકેલ મળી શકે છે.
આભારપ્રદ નિવેદન દરમિયાન જિલ્લા પ્રમુખે જણાવ્યું કે, “અમે ઈચ્છીએ છીએ કે દરેક બાળકને ગુણવત્તાયુક્ત શિક્ષણ મળે અને આજના નવિન શિક્ષકો ન માત્ર શિક્ષક તરીકે, પરંતુ વિચારશીલ માર્ગદર્શક તરીકે પણ સમાજમાં ભુમિકા નિભાવે.”
અહેવાલ: પ્રકાશ કારાણી, વેરાવળ-સોમનાથ
