નવી દિલ્હી ખાતે કેન્દ્રીય માર્ગ અને પરિવહન મંત્રી નીતિન ગડકરીએ જણાવ્યું હતું કે ગુજરાતના માર્ગ અને પરિવહન વિકાસમાંથી સમગ્ર દેશ પ્રેરણા લઈ રહ્યો છે. તેમણે ઉમેર્યું કે, ગુજરાતને નેશનલ કોરીડોરના માધ્યમથી મોટા પાયે લાભ મળ્યો છે અને રાજ્ય દેશની મહત્વની માર્ગ અને પરિવહન યોજનાઓમાં અગ્રણીઓમાં સ્થાન ધરાવે છે.
આ બાબત તેમણે એનસીઆઈયુઆઈ, ઇફકો અને ગુજકોમાસોલના ચેરમેન દિલીપ સંઘાણી સાથે મુલાકાત દરમિયાન કરી હતી. দিল્હી ખાતે આયોજિત આ શુભેચ્છા મુલાકાતમાં દિલીપ સંઘાણીએ ગુજરાતના માર્ગ વિકાસ, માંગ ક્ષમતા અને કૃષિ પરિવહન અંગેના પ્રયત્નો અંગે વિગતવાર માહિતી આપી હતી.
મુલાકાત દરમ્યાન સંઘાણીએ સહકારી સંસ્થાઓ દ્વારા કરવામાં આવતા ઔદ્યોગિક અને કૃષિ ઉત્પાદનમાં સહકારકાર્ય અંગે ચર્ચા કરતા જણાવ્યું હતું કે ખાતર અને બિયારણ વિતરણ વ્યવસ્થામાં ટેકનોલોજી દ્વારા ખેડૂતોને વધુ લાભ મળતો થયો છે.
કેન્દ્રીય મંત્રી નીતિન ગડકરીએ દેશના કૃષિ વિકાસમાં અને સહકારી ચળવળના મજબૂતીકરણમાં સંઘાણીના યોગદાન માટે અભિનંદન પાઠવ્યા હતા તથા ભવિષ્યમાં સહયોગની ખાતરી પણ ઉચ્ચારી હતી.
અહેવાલ: નરેન્દ્ર દવે સાથે જગદીશ યાદવ, જુનાગઢ
