કેશોદ, તા. ૧ મે, ૨૦૨૫
ગુજરાતના ૬૪માં સ્થાપના દિવસે કેશોદ શહેરમાં આમ આદમી પાર્ટી દ્વારા પ્રતીક ઉપવાસનું આયોજન કરવામાં આવ્યું. આ ઉપવાસનો હેતુ સત્તાધીશો ને સદબુદ્ધિ મળે, ગુજરાતમાં શાંતિ અને સુશાસન સ્થાપિત થાય તેવો શુભ સંકલ્પ ધરાવતો રહ્યો.
‘ભગવાન રામ પાસે પ્રાર્થના’ અને ‘લોકકલ્યાણના કાર્ય માટે ઉપવાસ’
આમ આદમી પાર્ટીના હોદ્દેદારોએ ભગવાન રામની પ્રતિમા સમક્ષ પુષ્પાંજલિ આપી શાંતિ, સામાજિક સમરસતા અને સરકારી તંત્રમાં સકારાત્મક પરિવર્તન માટે પ્રાર્થના કરી હતી. ઉપવાસમાં પ્રદેશના વિવિધ ગામો અને શહેરોમાંથી જોડાયેલા કાર્યકર્તાઓએ ભાગ લીધો હતો.
ભય, ભૂખ અને ભ્રષ્ટાચાર સામે AAP નો વિરોધ
પાર્ટીના નેતાઓએ જણાવ્યુ કે, “ગુજરાતમાં સામાન્ય માનવી ભ્રષ્ટાચાર, મોંઘવારી અને બેરોજગારીથી પીસાઈ રહ્યો છે.” એવું માની તેઓએ સત્તાધારી પક્ષને સકારાત્મક માર્ગે લાવવા માટે શાંતિપૂર્ણ પ્રતિક ઉપવાસનું આવાહન કર્યું છે.
રાજ્યવ્યાપી ઉપવાસ કાર્યક્રમ અંતર્ગત કેશોદનું ઉમદા યજમાનપદ
આમ આદમી પાર્ટી દ્વારા સમગ્ર રાજ્યમાં આ કાર્યક્રમ યોજાયો હતો, જેમાં કેશોદ શહેરે પણ સક્રિય ભાગ લીધો. ઉપવાસ દરમિયાન કોઈ ધ્વનિપ્રસારણ કે વિરોધ-પ્રદર્શન નહોતું, માત્ર શાંતિપૂર્ણ સાધના અને પ્રાર્થનાનું માહોલ જોવા મળ્યો.
📌 અહેવાલ: રાવલિયા મધુ, કેશોદ
