સુરત, 24 એપ્રિલ 2025:
જમ્મુ-કાશ્મીરમાં આવેલા પહલગામ વિસ્તારમાં નિર્દોષ પ્રવાસીઓ પર થયેલા જઘન્ય આતંકી હુમલામાં સુરતના મોટા વરાછાના યુવાન શૈલેષભાઈ કળથિયાનું મોત થયું હોવાની હ્રદયદ્રાવક ખબર સામે આવતા સમગ્ર વિસ્તારમાં શોકની લાગણી છવાઈ ગઈ છે.
આજે સવારે મોટાં વરાછા ખાતે શૈલેષભાઈ કળથિયાની અંતિમ યાત્રા તેમની નિવાસસ્થાનેથી મોટી શોકભરી ઘડી વચ્ચે શરૂ થઈ હતી. યાત્રામાં મોટી સંખ્યામાં લોકો જોડાયા હતા – શૈલેષભાઈના પરિવારજનો, સગાંસંબંધી, મિત્રમંડળ ઉપરાંત વિસ્તારના રાજકીય નેતાઓ, સામાજિક આગેવાનો, તેમજ વિવિધ સોસાયટીઓના લોકો ઉપસ્થિત રહ્યા હતા. દરેકના ચહેરા પર આંચળું પાટું અને આંખોમાં અશ્રુધારાઓ જોવા મળી હતી.
શૈલેષભાઈના ભાઈ, બહેન અને માતા પિતાએ અંતિમ વિદાય આપતી ઘડીમાં પોતાનું દુઃખ ઉઝાળતાં કહ્યું કે, “મારો ભાઈ હસ્તો ચહેરો લઈને જઈ રહ્યો છે… આજે આ હસતો ચહેરો અમારાથી હમેશા માટે દૂર થઈ ગયો…“
તેમની બહેનનું આ નિવેદન એક પણ આંખને આંસુ વગર ન રાખી શક્યું. સમગ્ર વિધિ દરમ્યાન વાતાવરણ કરૂણ અને ભાવનાભીની ઘડીમાં તણાયેલું રહ્યું.
આ ઘટનાને લઈ સમગ્ર સુરત શહેરમાં આતંકીઓ વિરુદ્ધ આક્રોશ જોવા મળ્યો છે અને સ્થાનિક સ્તરે લોકોએ આ હિંસક હુમલાની ઊંડાણપૂર્વક તપાસ કરી જમાબદારોને કડકથી કડક સજા કરવાની માગ ઉઠાવી છે.
સુરત
