જૂનાગઢ, તા. ૨૭ મે:
ગુજરાત વિધાનસભાની ૮૭-વિસાવદર બેઠકની પેટા ચૂંટણી ૧૯ જૂન ૨૦૨૫ના રોજ યોજાનાર છે. આ ચૂંટણી સફળ અને શાંતિપૂર્ણ રીતે ચાલે તે માટે જૂનાગઢ જિલ્લાની પ્રતિકૂળ પરિસ્થિતિઓને ધ્યાનમાં રાખી જિલ્લા મેજિસ્ટ્રેટ શ્રી અનિલકુમાર રાણાવસિયાએ શસ્ત્ર અધિનિયમ ૧૯૫૯ ની કલમ ૨૨ (૧) (બી) મુજબ તમામ પરવાનાવાળા હથિયાર તેમજ પાક-સ્વરક્ષણના પરવાનેદારશ્રીઓ પાસેથી તેમના હથિયારો જમા લેવા હુકમ જારી કર્યો છે.
આ કાર્યવાહી દ્વારા જાહેર સલામતી અને કાયદા-વ્યવસ્થાનું સઘન રક્ષણ કરવામાં આવશે જેથી ચૂંટણી મુક્ત, ન્યાયી અને નિષ્ઠાવાન વાતાવરણમાં સંપન્ન થાય.
હુકમ હેઠળ બેંક અને અન્ય સલામતી સંસ્થાઓમાં રહેલા હથિયાર પર અમલ લાગુ નહીં પડે. આ નિયમ ૮૭-વિસાવદર મત વિસ્તાર માટે લાગુ પડશે અને ચૂંટણી પ્રક્રિયા પૂરી થતાં જ અમલ બંધ થઈ જશે.
અહેવાલ: નરેન્દ્ર દવે સાથે જગદીશ યાદવ, જૂનાગઢ
