જૂનાગઢની સેવાભાવી સંસ્થા ગિરનારી ગ્રુપ દ્વારા સમાજમાં રહેલા અતિ જરૂરિયાતમંદ પરિવારજનો માટે નિ:શુલ્ક અનાજ-કિટ વિતરણનો ઉમદા કાર્યક્રમ યોજાયો.
તારીખ 13 જુલાઈ રવિવારના રોજ, જૂનાગઢ શહેરના આઝાદ ચોક ખાતે આવેલ રોડ ક્રોસ હોલમાં સવારે 10 થી 12 વાગ્યા દરમિયાન યોજાયેલા આ કાર્યક્રમમાં, દિવ્યાંગ, કેન્સર કે ટી.બી. પીડિતો, તેમજ ઘરમાં કમાવાનાર ન હોય એવા 40 જેટલા પરિવારોને સંસ્થાની તરફથી અનાજ-કિટ વિતરણ કરવામાં આવ્યું.
આ હિતકારક સેવાયજ્ઞ વિશે સમીર દતાણી અને સંજય બુહેચાની સંયુક્ત યાદીમાં જણાવ્યું હતું કે, આ સેવા દર મહિને જરૂરીયાતમંદોની ઓળખ કરી ચાલું રાખવામાં આવશે.
આ અવસરે આસ્થા હોસ્પિટલના ડૉ. ચિંતન યાદવ એ પણ હાજરી આપી સેવાકીય કાર્યને અભિનંદન આપતાં કહ્યું કે, “ગિરનારી ગ્રુપ માનવી સેવા માટે કટિબદ્ધ છે, અને એનો અનુભવ મને અનેકવાર થયો છે.”
ડૉ. પિયુષ બોરખતરીયા (સ્કીન સ્પેશિયાલિસ્ટ) એ પણ ભાવુક પ્રતિભાવ આપતાં કહ્યું કે, “પરોપકારની ભાવનાવાળાના સમય કદી ખરાબ નહી હોય – એ ભાવના આ ગ્રુપના દરેક સભ્યમાં જોઈ છે.”
કાર્યક્રમમાં સમીરભાઈ દવે, કિર્તીભાઈ પોપટ, ભરતભાઈ સંપટ, ચંદ્રકાંત રાયઠઠા, સંદીપ ધોરડા, જીગ્નેશ જસાણી, અનુપસિંહ ચૌહાણ, સુરેશ વાઢીયા, તુષાર જોશી, dilutionદેવાણી, અને અન્યો સહિતના સભ્યો ઉપસ્થિત રહ્યા હતા અને સેવા આપી હતી.
કાર્યક્રમના અંતે ગિરનારી ગ્રુપે ઉપસ્થિત તમામ મહેમાનો તથા સહયોગીઓનો હૃદયપૂર્વક આભાર વ્યક્ત કર્યો હતો.
અહેવાલ: નરેન્દ્ર દવે સાથે જગદીશ યાદવ, જૂનાગઢ
