આજરોજ અષાઢ સુદ નોમના પવિત્ર દિવસે જૂનાગઢના નગરદેવતા ભૂતનાથ મહાદેવના પાટોત્સવની ઉજવણી ધામધૂમથી કરવામાં આવી. શહેરના હ્રદયસ્થળે આવેલ ભૂતનાથ મહાદેવ મંદિરમાં સવારે અનુક્રમણિક પૂજાની ભવ્ય પરંપરા સાથે પાટોત્સવનો આરંભ થયો.
કાર્યક્રમની શરૂઆત શાસ્ત્રોક્ત વિધિ અનુસાર ભગવાન શંકરનો અભિષેક, પર્વ પ્રકારની પૂજા તથા લઘુરુદ્ર હવન દ્વારા કરવામાં આવ્યો હતો. પુણ્ય પવિત્ર તિથિ નિમિત્તે મંદિર પરિસરમાં ધ્વજારોહણ વિધિ પણ આયોજાઈ હતી, જેમાં ભક્તોએ ‘હર હર મહાદેવ’ના નાદ સાથે ઉત્સાહભેર ભાગ લીધો.
લઘુરુદ્ર વિધી પછી બટુક ભોજન અને બ્રહ્મભોજનનું પણ વિશાળ આયોજન કરાયું હતું, જેમાં નગરના બાળકો તથા વેદજ્ઞો માટે વિશેષ જમણવાર યોજાયો. આમ, પાટોત્સવ માત્ર ધાર્મિક જ નહીં, સંસ્કૃતિ અને સેવા ભાવનાથી સભર રહ્યો.
ભૂતનાથ મહાદેવ મંદિર ખાતે આજે વહેલી સવારે જ ભક્તો ઉમટી પડ્યા હતા. દર વર્ષે પાટોત્સવ નિમિત્તે શ્રીભૂતનાથ દાદાનો વિશેષ શણગાર કરવામાં આવે છે, જેને જોવા હજારો ભાવિકો દૂરદૂરથી આવે છે.
આ વર્ષે પણ મહાદેવના ભવ્ય શણગાર અને શોભાયાત્રા જેવી ધાર્મિક ઉજવણીને લઈ ભક્તોમાં ઉત્સાહ છવાયો હતો.
મંદિરના સેવામાં મંડળના સભ્યો તથા સ્થળીય યુવકમંડળ અને સંતવૃંદે પણ નોંધપાત્ર યોગદાન આપ્યું હતું.
પાટોત્સવ દરમ્યાન પોલીસ અને ટ્રાફિક વિભાગે પણ યોગ્ય બંદ.
અહેવાલ : નરેન્દ્ર દવે સાથે જગદીશ યાદવ જૂનાગઢ
