જૂનાગઢ, તા. ૨૬ એપ્રિલ, ૨૦૨૫
તાજેતરમાં કાશ્મીરના પેહલગામ ખાતે થયેલા જઘન્ય આતંકી હુમલામાં નિર્દોષ લોકોએ જીવ ગુમાવ્યો હતો, જેમની યાદમાં જૂનાગઢમાં હનુમાન ચાલીસાના હોમાત્મક પાઠ સાથે શ્રદ્ધાંજલિ આપવામાં આવી.
સંયુક્ત આયોજન અને લોકભક્તિ:
જૂનાગઢની સેવાભાવી સંસ્થાઓ —
- સત્યમ સેવા યુવક મંડળ ટ્રસ્ટ,
- ગાયત્રી શક્તિ પીઠ,
- પ્રજ્ઞાચક્ષુ ચેરીટેબલ ટ્રસ્ટ,
- રાજગોર બ્રાહ્મણ મહિલા મંડળ
- રામધૂન મંડળ (પ્રેરક: પૂજ્ય પ્રેમ ભિક્ષુકજી મહારાજ)
ના સંયુક્ત ઉપક્રમે કાળવા ચોક, પાણીના પરબ નજીક ભવ્ય હોમાત્મક યજ્ઞનું આયોજન કરાયું.
કાર્યક્રમના વિશેષ પળો:
પ્રાર્થનાસભામાં શ્રીરામ અને હનુમાનજીના ચરણોમાં શ્રદ્ધાંજલિ અર્પિત કરવામાં આવી.
મનસુખભાઈ વાજા અને વર્ષાબેન બોરીસાગર સહિતના આગેવાનો દ્વારા સરકાર સમક્ષ આવા હુમલાઓ ન બને તે માટે કાર્યવાહી કરવાની માંગ સાથે ભાવના વ્યક્ત કરવામાં આવી.
કાર્યક્રમ અંતે ઉપસ્થિત તમામ ભક્તોએ આત્માઓની શાંતિ માટે બે મિનિટનું મૌન પાળ્યું.
મુખ્ય ઉપસ્થિતીઓમાં:
મનસુખભાઈ વાજા, કમલેશભાઈ પંડ્યા, નાગભાઈ વાળા, બટુકબાપુ, અલ્પેશભાઈ પરમાર, વર્ષાબેન બોરીચાગર, ચંપકભાઈ જેઠવા, યોગીભાઈ બાંટવીયા, લલિતભાઈ દોષી, સમીરભાઈ દતાણી સહિત અનેક ભક્તો અને કાર્યકર્તાઓ ઉપસ્થિત રહ્યા.
અહેવાલ: નરેન્દ્ર દવે સાથે જગદીશ યાદવ, જૂનાગઢ
