જૂનાગઢ, તા. ૮ એપ્રિલ, ૨૦૨૫:
જૂનાગઢ કૃષિ યુનિવર્સિટી અને ઓસ્ટ્રેલિયાની પ્રતિષ્ઠિત વેસ્ટર્ન સિડની યુનિવર્સિટી વચ્ચે તાજેતરમાં થયેલ MoUના અનુસંધાનરૂપે, યુનિવર્સિટીની બાયોટેકનોલોજી વિભાગમાં પીએચ.ડી. કરતી વિદ્યાર્થીની કોમલ લાખાણીનું ડ્યુઅલ ડોક્ટરલ પ્રોગ્રામ માટે પસંદગી થઇ છે.
આ પ્રક્રિયા હેઠળ કોમલ લાખાણી ૧૮ મહિના સુધી વેસ્ટર્ન સિડની યુનિવર્સિટીમાં રહીને નામાંકિત પ્લાન્ટ મોલેક્યુલર બાયોલોજીસ્ટ ડૉ. ક્રિસ્ટોફર કાઝોનેલીની માર્ગદર્શન હેઠળ સંશોધન કરશે. આ કાર્ય માટે વેસ્ટર્ન સિડની યુનિવર્સિટી તરફથી શિષ્યવૃત્તિ (Scholarship) પણ કોમલને આપવામાં આવી છે.
📌 ખાસ વાત એ છે કે:
- કોમલ લાખાણી જૂનાગઢ કૃષિ યુનિવર્સિટીની એવી પહેલી વિદ્યાર્થીની બની છે જેને આ પ્રકારના ડ્યુઅલ ડોક્ટરલ કાર્યક્રમમાં સ્થાન મળ્યું છે.
- કાર્યક્રમ પૂર્ણ થયા પછી કોમલને દ્વિગુણ ડિગ્રી મળશે — એક જૂનાગઢ કૃષિ યુનિવર્સિટીમાંથી અને બીજી વેસ્ટર્ન સિડની યુનિવર્સિટીમાંથી.
- કોમલને ભારત સરકાર તરફથી પ્રધાનમંત્રી સંશોધન ફેલોશીપ પણ મળી છે.
🎉 શૈક્ષણિક પરિવાર તરફથી અભિનંદન: યુનિવર્સિટીના કુલપતિ ડૉ. વી.પી. ચોવટિયા, રજિસ્ટ્રાર ડૉ. વાય.એચ. ઘેલાણી, સંશોધન નિયામક ડૉ. એ.જી. પાનસુરિયા, વિસ્તરણ નિયામક ડૉ. એન.બી. જાદવ, આઈ.ટી. નિયામક ડૉ. કે.સી. પટેલ અને પ્રિન્સિપાલ અને ડીન ડૉ. પી.ડી. કુમાવત સહિત સમગ્ર શૈક્ષણિક પરિવારે કોમલના ઉજ્જ્વળ ભવિષ્ય માટે શુભકામનાઓ પાઠવી છે.
✍️ અહેવાલ:
નરેન્દ્ર દવે સાથે જગદીશ યાદવ, જૂનાગઢ
