જૂનાગઢ, તા. ૯ મે |
અહેવાલ: નરેન્દ્ર દવે સાથે જગદીશ યાદવ
જૂનાગઢ જિલ્લામાં છેલ્લા સમયમાં ઘરઘાટી દ્વારા ગુનાઓના ઘટનાઓમાં વૃદ્ધિ થતી હોવાનું તપાસ દરમિયાન ખુલ્યું છે. ખાસ કરીને એકલાં રહેતા વયોવૃદ્ધો એવા ગુનાઓના ભોગ બને છે, જ્યાં ઘરઘાટીઓ લાલચમાં આવી શારીરિક કે મિલકત સંબંધિત ગુનાઓ આચરે છે.
આના પગલે જિલ્લા અધિક જિલ્લા મેજિસ્ટ્રેટ શ્રી એન.એફ. ચૌધરી દ્વારા જાહેરનામું જાહેર કરવામાં આવ્યું છે, જેમાં જણાવ્યું છે કે:
ઘરમાલિકો માટે ફરજિયાત માહિતી:
ઘરઘાટી સંબંધિત નીચેની વિગત ૭ દિવસની અંદર પોલીસ સ્ટેશનમાં આપવી ફરજિયાત છે:
- ઘરમાલિક/ભાડુઆતની માહિતી: નામ, સરનામું, મોબાઇલ નંબર, ID પુરાવા
- ઘરઘાટીનું નામ, ઉંમર, સરનામું (જૂનાગઢ તેમજ મૂળ વતનનું), મોબાઇલ નંબર
- કામ પર રાખ્યા તથા છૂટા કર્યાની તારીખ
- અગાઉ કામ કરેલ સ્થળની વિગત
- રેફરન્સ આપનારનું નામ અને સંપર્ક
- પરિવારજનોની વિગત (માતા-પિતા, ભાઈ-બહેન, જો લગ્ન થયેલ હોય તો સસરા-સાસુ વગેરે)
- તાજેતરનો પાસપોર્ટ સાઇઝનો ફોટોગ્રાફ
- ઓળખી શકાય તેવી કોઈ નિશાની
તાત્કાલિક અમલ અને સમયમર્યાદા:
- આ જાહેરનામું તાત્કાલિક અમલમાં આવે છે અને ૬ જુલાઈ ૨૦૨૫ સુધી લાગુ રહેશે.
- નવો ઘરઘાટી કામે રાખતા અથવા છૂટા કરતા ૪૮ કલાકની અંદર પોલીસને જાણ કરવી ફરજિયાત રહેશે.
ઉદ્દેશ અને ચેતવણી:
- ભવિષ્યમાં ગુનાઓ અટકાવવાના હેતુથી અને જાહેર સલામતી જાળવવા, આ નિયમ ફરજિયાત કરાયો છે.
- જાહેરનામાનું ઉલ્લંઘન દંડનીય છે અને કાયદેસર કાર્યવાહી થશે.
