ગુજરાત સરકારના રમત ગમત, યુવા અને સાંસ્કૃતિક પ્રવૃતિઓ વિભાગના સ્પોર્ટ્સ ઓથોરીટી ઓફ ગુજરાત- ગાંધીનગર તથા જિલ્લા વહીવટી તંત્ર જૂનાગઢ દ્વારા સ્પેશિયલ ખેલ મહાકુંભ-૩.૦ આયોજન હાથ ધરવામાં આવશે. જે અંતર્ગત જૂનાગઢ જિલ્લાના દિવ્યાંગ ખેલાડી ભાઈઓ અને બહેનો અલગ- અલગ કેટેગરીની વિવિધ સ્પર્ધામાં ભાગ લઇ શકશે.
જૂનાગઢ જિલ્લા કક્ષાએ દિવ્યાંગ ખેલાડીઓ માટે સ્પે.ખેલમહાકુંભ ૩.૦માં વિવિધ કેટેગરીના ખેલાડીઓ માટે વિવિધ સ્પર્ધાનુ આયોજન કરવામાં આવેલ છે. સ્પોર્ટ્સ ઓથોરીટી ઓફ ગુજરાતના માર્ગદર્શન હેઠળ રાષ્ટ્રીય અંધજન મંડળ દ્વારા જીલ્લા કક્ષાના શ્રવણમંદ (HI) બાળકો માટે સ્પે બેલમહાકુંભ ૩.૦ રમોત્સવનું આયોજન થનાર છે.
દિવ્યાંગ ખેલાડીઓ માટે સ્પે. ખેલ મહાકુંભમાં માનસિક ક્ષતિગ્રસ્ત (MR), શારીરિક રીતે ગ્રસ્ત (OH), અંધજન (BLIND), શ્રવણ મંદ ક્ષતિવાળા (DEAF) તેમજ રાજ્ય કક્ષાએ સેરેબલ પાલ્સી (CP) અને અને ૪૫ વર્ષ સુધીના શ્રવણમંદ વ્યક્તિઓ (ભાઈઓ/બહેનો) ઓનલાઈન રજીસ્ટ્રેશન કરેલ આ સ્પર્ધામાં ભાગ લઈ શકશે. આ સ્પે.ખેલમહાકુંભ ૩.૦ અંધજન અને શ્રવણ મંદ ખેલાડીઓની સ્પર્ધા સરદાર પટેલ રમત સંકુલ, ગાંધીગ્રામ, જૂનાગઢ ખાતે તા.૦૧/૦૨/૨૦૨૫ થી તા.૦૩/૦૨/૨૦૨૫ અને શારીરિક(OH) અને માનસિક ક્ષતિગ્રસ્ત(MP) ખેલાડીઓની સ્પર્ધા સાંપ્રત એજયુ. એન્ડ મેરીટેબલ ટ્રસ્ટ, મું. ડુંગરપુર ખાતે તા.૦૪/૦૨/૨૦૨૫ થી તા.૦૫/૦૨/૨૦૨૫ દરમ્યાન આયોજન થનાર છે.આ અંગે વધુ માહિતી માટે ૭૮૫૯૯ ૪૬૯૮૪ નંબરમાં સંપર્ક સાધી શકાશે. તેમ જિલ્લા રમત વિકાસ અધિકારીશ્રી, જિલ્લા રમત પ્રશિક્ષણ કેન્દ્ર, જૂનાગઢની યાદીમાં જણાવવામાં આવ્યું છે.
અહેવાલ : નરેન્દ્ર દવે સાથે જગદીશ યાદવ (જૂનાગઢ)
