જૂનાગઢ તાલુકાના ૬૬ કે.વી વિસ્તારમાં ૧૮ ઓગસ્ટ, ૨૦૨૫ના રોજ બપોરે ૩ વાગ્યે બનેલા ગંભીર બનાવે સ્થાનિકોમાં ચકચાર મચી હતી. ફરીયાદી દુકાને ગયેલા સમયે ચાર આરોપીઓએ તેની પાસે રૂ.૫૦૦ની બળજબરીપૂર્વક માગણી કરી, ઇન્કાર કરતાં મારામારી કરી અને જાનથી મારી નાખવાની ધમકી આપી હતી.
ફરીયાદ મળતા, જુનાગઢ રેન્જના પોલીસ મહાનિરીક્ષક શ્રી નિલેશ જાજડીયા તથા જિલ્લા પોલીસ અધિક્ષક શ્રી સુબોધ ઓડેદરાના માર્ગદર્શન હેઠળ તથા ના.પો.અધિકારી રવીરાજસિંહ પરમારના સીધા માર્ગદર્શન હેઠળ ઝડપી કાર્યવાહી હાથ ધરાઈ.
મુખ્ય આરોપીઓ
ફરીયાદમાં નામદાર ચાર આરોપીઓ :
૧) બસીર ઉર્ફે ટકો સુમરા
૨) રોહીત ઉર્ફે નેહલો કોળી
૩) સંદીપ ઉર્ફે કાલીયો
૪) મીત સોલંકી
આમાંથી બસીર ઉર્ફે ટકો હબીબભાઈ સુમરા (વય ૩૩, રહે. ૬૬ કે.વી મહેતાનગર, તા. જુનાગઢ) ગુનાનો મુખ્ય સુત્રધાર હોવાનું સામે આવ્યું.
ઝડપી કાર્યવાહી
પોલીસ ઇન્સ્પેક્ટર એફ.બી. ગગનિયા દ્વારા સ્ટાફની અલગ–અલગ ટીમો ગોઠવી.
સર્વેલન્સ સ્કોડના પો.કોન્સ પરેશ વરૂ અને હિતેશ જીલડીયાને ખાનગી બાતમી પરથી માહિતી મળી કે આરોપી ભેંસાણ ચોકડી નજીક ફરતો હતો.
તરત જ દોડી જઈ આરોપીને ઝડપી પાડવામાં આવ્યો.
કડક પુછપરછ બાદ આરોપીએ ગુનાની કબૂલાત આપી.
આરોપીનો ગુનાહિત ઇતિહાસ
પકડાયેલ આરોપી બસીર ઉર્ફે ટકોનો પ્રોહિબિશન, જુગાર, મારામારી, લૂંટફાટ સહિતના ૨૦ થી વધુ ગુનાઓમાં સંડોવણી રહી છે.
તેને સ્થાનિક વિસ્તારમાં ‘માથાભારે ગુનેગાર’ તરીકે ઓળખવામાં આવે છે અને વારંવાર ભયનો માહોલ ઉભો કરતો રહે છે.
પ્રશંસનીય કામગીરી
આ ઝડપી અને અસરકારક કાર્યવાહી પોલીસ ઇન્સ્પેક્ટર એફ.બી. ગગનિયા,
એ.એસ.આઇ. મેહુલભાઈ મકવાણા તથા સર્વેલન્સ સ્કોડના પો.કોન્સ હિતેશ જીલડીયા, રાહુલ ઝણકાટ, પરેશ વરૂ, ગોવિંદ પરમાર અને વિપુલ બોરીચા દ્વારા કરવામાં આવી.
તેમની ટીમ વર્કના કારણે આ ગંભીર ગુનામાં સંડોવાયેલા આરોપીને ટૂંકા સમયમાં કાબૂમાં લેવામાં આવ્યો અને કાયદેસરની કાર્યવાહી શરૂ કરવામાં આવી છે.
📍 અહેવાલ : નરેન્દ્ર દવે સાથે જગદીશ યાદવ, જૂનાગઢ
