જૂનાગઢ શહેરમાં ગેરકાયદેસર જુગારધાર વિરુદ્ધ પોલીસ તંત્રની કાર્યવાહી ચાલુ છે. આજ રોજ તારીખ 20/07/2025ના રોજ, જુનાગઢ “બી” ડિવિઝન પોલીસે જૂનાગઢ જોષીપરા વિસ્તારમાં રેડ કરી ગણનાપાત્ર જુગારધારનો એક વધુ કેસ શોધી કાઢ્યો છે.
આ કામગીરી પોલીસ મહાનિરીક્ષક શ્રી નિલેશ જાજડીયા સાહેબ, એસ.પી. સુબોધ ઓડેદરા સાહેબ અને ડીવાયએસપી હિતેષ ધાંધલ્યા સાહેબના માર્ગદર્શન હેઠળ “બી” ડિવિઝન પોલીસ સ્ટેશનના ઇન્સ્પેક્ટર એ.બી. ગોહીલ સાહેબની સુચના મુજબ હાથ ધરવામાં આવી.
પેટ્રોલિંગ દરમિયાન કોન્સ્ટેબલ કરશનભાઇ ભારાઇને ખાનગી બાતમી મળી હતી કે, જુનાગઢના જોષીપરા વિસ્તારની આદર્શ નગર શેરી નં.૧૧માં જાહેર જગ્યામાં કેટલાક ઇસમો જુગારધાર રમે છે. પોલીસ ટીમે તાત્કાલિક રેડ કરી મહિલાઓ સહિત કુલ 9 ઈસમોને પકડી પાડ્યા હતા, જેમના પાસેથી રૂ.17,310 રોકડ અને 52 પાનાંના ગંજીપત્તા કબ્જે કરવામાં આવ્યા.
પકડી પાડાયેલા ઇસમોના નામ નીચે મુજબ છે:
અશોક કેશુભાઇ ટાંક
મનોજભાઇ કેશુભાઇ ટાંક
ડાયાભાઇ બચુભાઇ શીંગાળા
મુરલીધર દોલતરામ હેમલાણી
વિનોદરાય નાનાલાલા જાની
મનીષાબેન ટાંક
ભુમિકા હેમલાણી
સંગીતાબેન ચંપટ
વૈશાલીબેન ચૌહાણ
આ તમામ ઇસમો સામે જુગારધાર અધિનિયમ કલમ-12 મુજબ કેસ નોંધવામાં આવ્યો છે. સમગ્ર કામગીરી એ.એસ.આઇ. રસીલાબેન બાબરીયા, પો.હે.કો. પરેશભાઇ હુણ, પો.કો. કૈલાસભાઇ જોગીયા, રવિન્દ્રભાઇ વાંક, મુકેશભાઇ મકવાણા, કરશનભાઇ ભારાઇ, ભુપતભાઇ ધુળા અને જેઠાભાઇ કોડીયાતર સહિતના સ્ટાફે સંયુક્ત રીતે સફળતાપૂર્વક પૂર્ણ કરી હતી.
પોલીસના વરિષ્ઠ અધિકારીઓએ સમગ્ર ટીમની કામગીરીની પ્રશંસા કરી હતી અને આવનારા દિવસોમાં પણ આવા ગુનાહિત તત્વો સામે કડક કાર્યવાહી કરવાની ચિમકી ઉચ્ચારી છે.
અહેવાલ : નરેન્દ્ર દવે સાથે જગદીશ યાદવ, જુનાગઢ
