શહેરમાં મહાનગરપાલિકા જુનાગઢની મંજૂરી વગર હોર્ડિંગ્સ બોર્ડ લગાડતા વિંઝોમ ઇન્ટરનેશનલ પાસેથી રૂ.૧૦,૦૦૦/- નો દંડ વસુલ કરતી મહાનગરપાલિકા જુનાગઢ,
મહાનગરપાલિકા જૂનાગઢ હદ વિસ્તારમાં વિંઝોમ ઇન્ટરનેશનલ દ્વારા ચોબારી રોડ ઉપર કોઈ પણ જાતની પૂર્વ મંજૂરી વગર હોર્ડિંગ્સ બોર્ડ લગાડવામાં આવેલ છે.જે અન્વયે માન.કમિશનરશ્રી ડો.ઓમ પ્રકાશ(IAS)ના આદેશ અન્વયે માન.નાયબ કમિશનરશ્રી ડી.જે.જાડેજાની સુચનાથી આસી.કમિશનર(ટેક્સ) કે.જી.ટોલીયાના માર્ગદર્શન નીચે ટેક્સ સુપ્રીટેન્ડન્ટ મનોજ રૂપાપરાની ટીમ દ્વારા તા.૦૬/૦૨/૨૦૨૫ ના રોજ રૂ.૧૦,૦૦૦/- ના દંડ ની વસૂલાત કરવામાં આવેલ છે અને આ હોર્ડિંગ્સ બોર્ડ પોતાના ખર્ચે જ ઉતારી લેવા તેમજ ભવિષ્યમાં આવી કોઈ ભૂલ ન થાય તેવી બાહેધરી પણ લેવામાં આવેલ છે,
વધુમાં જણાવવાનું કે મહાનગરપાલિકા જુનાગઢની કોઈપણ જાતની પૂર્વ મંજૂરી વગર આવી પ્રવૃતિ ન કરવા એક યાદીમાં જણાવવામાં આવેલ છે .
અહેવાલ : નરેન્દ્ર દવે સાથે જગદીશ યાદવ (જૂનાગઢ)
