જૂનાગઢ, તા. ૨૩/૧૧. રમત ગમત, યુવા અને સાંસ્કૃતિક પ્રવૃત્તિઓ, નિયામક, સંગ્રહાલય વિભાગ અને જૂનાગઢ મ્યુઝિયમ દ્વારા તા.૨૪-૧૧-૨૪ ને રવિવારે ઓપેરા હાઉસની ઉત્ક્રાંતિ વિષય પર વક્તવ્યનું આયોજન કરવામાં આવ્યું છે. સવારે ૧૧ વાગ્યે સંગ્રહાલય ભવન, ઓપેરા હાઉસ, જમીન દફતર કચેરી પાસે, જૂનાગઢ ખાતે યોજાનાર કાર્યક્રમમાં જાણીતા કલાકાર શિલ્પા સાગર ઓપેરા હાઉસની ઉત્ક્રાંતિ વિષય પર વક્તવ્ય આપશે. સંગ્રહાલયના ક્યૂરેટર ડો. શેફાલિકા અવસ્થીએ જાહેર જનતાને આ કાર્યક્રમમાં ઉપસ્થિત રહેવા એક યાદીમાં જણાવ્યું છે.
અહેવાલ : નરેન્દ્ર દવે સાથે જગદીશ યાદવ (જૂનાગઢ)
