જૂનાગઢ, તા. ૫ મે ૨૦૨૫:
જૂનાગઢ જિલ્લામાં અપહરણના ગુનામાં છેલ્લા ૧૨ વર્ષથી નાસતો ફરતો આરોપી જયારે ક્રાઇમ બ્રાન્ચના ચોકસાઇભર્યા ગુપ્ત બાતમીના આધારે પકડી પાડવામાં આવ્યો છે.
મળતી માહિતી અનુસાર, ૨૦૧૩માં માનાવદર પોલીસ સ્ટેશન ખાતે દાખલ થયેલ ગુ.ર. નં. ૮૦૯/૨૦૧૩ કલમ ૩૯૩, ૩૬, ૫૦૬(૨)ના ગુનામાં આરોપી યुसુફ ઉર્ફે કાલીયો અલ્લારખા રાઠોડ છેલ્લા ઘણા વર્ષોથી નાસતો ફરતો હતો. આ ગુનો અપહરણ અને જીવલેણ ધમકી સંબંધિત હોવાનું જાણવા મળ્યું છે.
આરોપી પકડાયેલ સ્થળ:
ક્રાઇમ બ્રાન્ચની ટીમને મળેલી ચોક્કસ બાતમીના આધારે આરોપી હાલ કેશોદ એરપોર્ટ રોડ, કોર્ટ નજીક રહેતો હોવાની માહિતી મળી હતી. તરત જ ત્વરિત કાર્યવાહી કરીને આરોપીને પકડી પાડવામાં આવ્યો અને માનાવદર પોલીસ સ્ટેશનના સોપાયો.
અટક આરોપીની વિગતો:
- નામ: ઈશુ ઉર્ફે યુસુફ ઉર્ફે કાલીયો રાઠોડ
- પિતા: અલ્લારખા ઇસ્માઈલભાઈ રાઠોડ
- ઉંમર: ૪૭ વર્ષ
- વ્યવસાય: ડ્રાઇવિંગ
- હાલનું નિવાસસ્થાન: રાજકોટ મહેશ્વરી સોસાયટી, પ્રણામી ચોક પાસે
- મૂળ નિવાસ: ગંગનાથપરા, કેશોદ
પોલીસ અધિકારીઓની સરાહનીય કામગીરી:
આ સફળ કામગીરીમાં પો.ઇન્સ. જે.જે. પટેલના માર્ગદર્શન હેઠળ એ.એસ.આઈ. એસ.કે. બારિયા, તથા પો.હેડ કોન્સ. સાહિલ સમા, જયદીપ કનેરીયા સહિતની ટીમે મહત્ત્વપૂર્ણ ભૂમિકા ભજવી હતી.
આ કામગીરી રાજયના પોલીસ મહાનિર્દેશક અને જીલ્લાના ઉચ્ચ પોલીસ અધિકારીઓના આરોપી શોધી કાઢવાના ખાસ ડ્રાઈવના ભાગરૂપે કરવામાં આવી હતી.
અહેવાલ :– નરેન્દ્ર દવે સાથે જગદીશ યાદવ, જૂનાગઢ
