જૂનાગઢ તા.૦૯:
રાજ્યભરમાં વધી રહેલા ગુનાહોનાં ગાળામાં ટેકનોલોજીનો ઉપયોગ વધી રહ્યો છે, જેમાં ખાસ કરીને ચોરાયેલા મોબાઇલ ફોન અને લેપટોપનો દુરુપયોગ થતાં હોવાની અનેક ઘટનાઓ સામે આવી છે. આ ગંભીર સ્થિતિ સામે હવે તંત્ર સજ્જ થયું છે. જૂનાગઢ જિલ્લાના અધિક જિલ્લા મેજિસ્ટ્રેટ શ્રી એન.એફ. ચૌધરી દ્વારા જાહેરનામું જાહેર કરીને જુના મોબાઇલ ફોન અને લેપટોપ લેતી-વેચતી વખતે ગ્રાહકની સંપૂર્ણ વિગતો નોંધવી ફરજિયાત કરવામાં આવી છે.
તંત્રના આદેશ મુજબ, કોઈપણ વ્યાપારીએ મોબાઇલ અથવા લેપટોપ ખરીદતા પહેલા વેચનારનું નામ, સરનામું, ઓળખપત્ર (આઈ.ડી.પ્રૂફ), તેમજ ઉપકરણની કંપની વિગતો, IMEI નંબર અને સીરિયલ નંબર ફરજિયાત રીતે રજીસ્ટરમાં નોંધવી પડશે. આ પ્રકારની નોંધપાત્ર માહિતી રેકોર્ડ કરવામાં આવવાથી ગુનાના મુલ સુધી પહોંચવામાં મદદ મળશે અને ચોરીના બનાવો અટકાવી શકાશે.
પોલીસને મળતી માહિતી પ્રમાણે, ઘણા ગુનાઓમાં ચોરાયેલા મોબાઇલ ફોનના ઇમેઈ નંબરના આધારે તપાસ કરવામાં આવે છે, પરંતુ જ્યારે તે ફોન અજાણ્યા વ્યક્તિ પાસે મળી આવે છે ત્યારે તપાસ અઢળક બની જાય છે. તેથી, હવે મોબાઇલ-લેપટોપના લે-વેચના વ્યવસાયમાં પારદર્શિતા લાવવા આ નિર્ણય લેવામાં આવ્યો છે.
આ જાહેરનામું તા.૦૭/૦૭/૨૦૨૫ સુધી અમલમાં રહેશે અને જે કોઈ આ નિયમોનું ઉલ્લંઘન કરશે તેઓ વિરુદ્ધ BNSS, 2023 ની કલમ-૧૬૩ મુજબ કાયદેસર કાર્યવાહી કરવામાં આવશે. આ ઉપરાંત, આવા ભંગ અંગે ફરિયાદ only પોલીસ હેડ કોન્સ્ટેબલ કે તેથી ઉપરના અધિકારી દ્વારા લેવામાં આવશે.
🖋 અહેવાલ :– નરેન્દ્ર દવે સાથે જગદીશ યાદવ, જૂનાગઢ
